شہید ایس ایس جی کمانڈو میجر بابر خان آبائی علاقے میں سپردخاک

ویب ڈیسک

15th May, 2024. 04:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہید ایس ایس جی کمانڈو میجر بابر خان آبائی علاقے میں سپردخاک

میانوالی: شہید ایس ایس جی کمانڈو میجر بابر خان کو آبائی علاقہ شہباز خیل میں نماز جنازہ کے بعد سپردخاک کردیا گیا۔

بلوچستان کے ضلع ژوب کے علاقے سمبارہ میں دہشت گردوں کے خلاف انٹیلیجنس بیسڈ آپریشن کے دوران شہید ہونے والے پاک فوج کے میجر بابر خان نیازی کی نماز جنازہ ان کے آبائی علاقہ شہباز خیل میں ادا کردی گئی۔

شہید کی نماز جنازہ میں آئی جی ایف سی کے پی کے ساؤتھ میجر جنرل ہارون، اسٹیشن کمانڈر ڈی آئی خان بریگیڈیئر عامر حیات اور بیس کمانڈر ایم ایم عالم ایئر بیس ازمان خلیل نے شرکت کی۔

علاوہ ازیں ریٹائرڈ میجر خرم حمید خان روکھڑی، ڈپٹی کمشنر میانوالی اور ڈی پی او میانوالی سمیت فوجی و دیگر محکموں کے افسران و سول سوسائٹی اور شہریوں کی کثیر تعداد نے بھی نماز جنازہ میں شرکت کی۔

شہید میجر بابر خان نیازی کا نماز جنازہ مولانا شیر افگن نے پڑھایا، شہید کے جسد خاکی کو ایس ایس جی کمانڈوز۔ بٹالین کمانڈر و دیگر فوجی حکام و بٹالین نے سلامی دے کر رخصت کیا۔

جسد خاکی کو سلامی اور قبر پر سلامی و آرمی بینڈ سوگوار دھنیں بجائی گئیں جب کہ شہید نے پسمندگان میں بیوہ اور 2 بیٹے چھوڑے ہیں جن کی عمریں 2 سال اور 3 ماہ ہے۔