علی امین گنڈاپور گورنر والے معاملے میں حق پر ہیں، عمر ایوب

ویب ڈیسک

20th May, 2024. 10:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علی امین گنڈاپور گورنر والے معاملے میں حق پر ہیں، عمر ایوب

پاکستان تحریک انصاف (پی ٹی آئی) کے جنرل سیکریٹری عمر ایوب نے کہا ہے کہ علی امین گنڈاپور گورنر والے معاملے میں حق پر ہیں۔

پاکستان تحریک انصاف (پی ٹی آئی) کے رہنما عمر ایوب اور شبلی فراز نے جوڈیشل کمپلیکس کے باہر میڈیا سے گفتگو کرتے ہوئے کہا کہ سب بوگس کیسز ہیں، پاکستان تحریک انصاف کے ساتھیوں کو پھنسا رہے ہیں۔

عمر ایوب نے کہا کہ ہماری خواتین پابند سلاسل ہیں، سارے سیاسی کیسز ہیں عدالت حق پر فیصلہ کرے گی۔

انہوں نے کہا کہ علی امین گنڈا پور گورنر والے معاملے میں حق پر ہیں، گورنر کے پی کی پارٹی کی نمائندگی نہیں ہے۔

پی ٹی آئی رہنما نے مزید کہا کہ بانی پی ٹی آئی کبھی اپنی سڑک بنانے کا کہہ ہی نہیں سکتے، بانی پی ٹی آئی نے ہمیشہ آئین کی پاسداری کی بات کی ہے۔ ملتان کے الیکشن میں بھی فارم 47 کا معاملہ آگیا ہے۔

دوسری جانب شبلی فراز نے کہا کہ خیبر پختونخوا کی حکومت نے کرغزستان میں پاکستانی طلباء کے لیے فنڈ بھی دینے کا کہا گیا، پنجاب میں کسانوں کے ساتھ جو ہوا ان کے ساتھ کوئی سوتیلی ماں بھی نہ کرے۔