لاہور ہائی کورٹ نے ججز کی عدم تعیناتیوں کے کیس میں وزیراعلی پنجاب کو عدالت میں پیش ہونے کا حکم دے دیا۔

تفصیلات کے مطابق لاہورہائیکورٹ میں خصوصی عدالتوں میں ججز کی عدم تعیناتیوں کےکیس کی سماعت ہوئی۔

عدالت نے ججز تعیناتی نہ ہونے پروزیراعلی پنجاب کو پیش ہونے کا حکم دے دیا اورکیس کی سماعت 24 مئی کو ملتوی کردی۔

لاہور ہائیکورٹ میں خصوصی عدالتوں میں ججزکی عدم تعیناتیوں کےکیس کی سماعت کے دوران چیف جسٹس ملک شہزاد احمد نے کہا کہ عدالت نے ججز تعیناتی کےلئے حکومت کو گذشتہ سماعت پر آخری موقع دیا۔ اگر ججز نہیں لگانے اور بار بار تاریخ مانگنی ہے توواضع طور پر بتایاجائے تاکہ عدالت اپنا حکم سنائے۔

عدالت نے خصوصی عدالت میں ججز تعیناتی کےلئے حکومت پنجاب کو ایک اور موقع دے دیا۔ سماعت کے دوران عدالت نے ایڈیشنل اٹارنی جنرل سے استفسارکیا کہ بینکنگ عدالتوں میں ججز کیوں نہیں لگائے جارہے۔

ایڈیشنل اٹارنی جنرل نے جواب دیا کہ ہمیں کوئی مشاورت نہیں کرنی اور نہ ہی تعیناتی پر کوئی اعتراض ہے جس پرچیف جسٹس لاہورہائی کورٹ نے کہا کہ وفاقی حکومت کا کردار سامنے ہے پنجاب حکومت کیوں معاملے کو لٹکارہی ہے؟

حکومتی کمیٹی کے کنونئیرنے سماعت ملتوی کرنے کی استدعا جس پرعدالت نے کہا کہ کمیٹی کے کنونئیرنےعدالت کو بتایاکہ ججز تعیناتی کے حوالے سے معاملہ پنجاب کابینہ کےپاس ہے۔

ممبر آف کمیٹی عدالت کے روبرو پیش ہوئے۔

عدالت نے پوچھا کہ الجاد ٹرسٹ کیس کی روشنی میں ججزکی تعیناتی چیف جسٹس کا اختیار ہے۔ خالداسحاق ایڈووکیٹ جنرل پنجاب نے کہا کہ  چیف جسٹس کی جانب سے ججز تعیناتی پر حکومت کو اعتراض نہیں۔

رجسٹرارلاہور ہائیکورٹ عبدالرشید عابد کے علاوہ ایڈووکیٹ جنرل پنجاب خالد اسحاق اور پراسیکیوٹر جنرل پنجاب فرہاد شاہ بھی عدالت پیش ہوئے۔