وزیر اعظم کا ترکیہ کے ساتھ تجارتی حجم کو 5 ارب ڈالر تک لے جانے کا عزم

فہد چوہدری

20th May, 2024. 04:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کا ترکیہ کے ساتھ تجارتی حجم کو 5 ارب ڈالر تک لے جانے کا عزم

اسلام آباد: وزیر اعظم شہباز شریف نے ترکیہ کے ساتھ تجارتی حجم کو 5 ارب ڈالر تک لے جانے کے عزم کا اظہار کردیا۔

وزیرِ اعظم شہباز شریف سے ترکیہ کے وزیرِ خارجہ نے ملاقات کی جس میں وزیرِ اعظم نے دونوں ممالک کے مابین باہمی تعلقات کے فروغ پر گہرے اطمینان کا اظہار کیا۔

وزیرِ اعظم کا کہنا تھا کہ پاکستان اور ترکیہ کے مابین برادرانہ تعلقات ہیں جب کہ وزیرِ اعظم نے دونوں ممالک کے مختلف شعبوں بالخصوص تجارت، سرمایہ کاری، ٹیکنالوجی اور دفاعی شعبے میں پاکستان کی جانب سے باہمی تعاون کو مزید مضبوط کرنے کا عزم کیا۔

شہباز شریف نے آئندہ تین برس میں دونوں ممالک کے مابین تجارت کے حجم کو 5 ارب ڈالر سالانہ کی سطح پر لانے کے لئے کوششیں تیز کرنے کے عزم کا بھی اظہار کیا۔

ملاقات میں دونوں رہنماؤں نے قومی دلچسپی کے امور پر ایک دوسرے کی بھرپور حمایت کی۔