اسلام آباد میں وزیراعظم شہبازشریف کی زیرصدارت اجلاس میں وزارت آئی ٹی، نیشنل انفارمیشن ٹیکنالوجی بورڈ کے امورکا جائزہ لیا گیا۔ 

اجلاس میں وزیراعظم شہبازشریف نے کہا کہ پاکستان کے پاس آئی ٹی کے شعبےمیں بہت زیادہ استعداد ہے، حکومت آئی ٹی انڈسٹری کے فروغ کیلئے اقدامات اٹھارہی ہے، آئی ٹی انڈسٹری معیشت میں اپناکرداراداکرنےکیلئےحکومت کاساتھ دے۔

وزیراعظم نے کہا کہ 4 جی سروسزکا معیاربہتربنانے کیلئے مناسب اقدامات اٹھائے جائیں، انھوں نے آئی ٹی انڈسٹری کے مسائل کو فی الفورحل کرنے کی ہدایت کے ساتھ ساتھ آئی ٹی برآمدات بڑھانے کیلئےعملی اقدامات کرنے کی بھی ہدایت کی۔

وزیراعظم شہبازشریف نے کہا کہ فارن کرنسی کے معاملات میں بینکس کی طرف سے رکاوٹ حائل نہ ہو، آئی ٹی پروفیشنلزکی تعداد بڑھانے کیلئے تربیتی ادارے قائم کریں، آئی ٹی نصاب کوانڈسٹری کی ضروریات سے ہم آہنگ کیاجائے۔

انھوں نے اجلاس میں نیشنل آئی ٹی بورڈ کی کارکردگی جانچنے کیلئے کمیٹی تشکیل دینےکی ہدایت کی۔

اجلاس کے دوران 2029 تک پاکستان کی آئی ٹی برآمدات 25 ارب امریکی ڈالرزتک لے جانے کا ہدف دیا گیا۔ بریفنگ میں کہا گیا کہ پاکستان ڈیجیٹل کمیشن کاقیام عمل میں لایاجارہاہے، اس حوالےسے ضروری قانون سازی کی جا رہی ہے، پاکستان ڈیجیٹل نیشن نامی منصوبے سے معیشت کوڈیجیٹلائزکیاجائےگا۔

بریفنگ میں کہا گیا کہ اگلے5سال آئی ٹی کےشعبےمیں15لاکھ افرادکی ٹریننگ کاہدف رکھاگیا، آئی ٹی پروفیشنلز کیلئے ماسٹر ٹرینر پروگرامزشروع کیے جائیں گے، 3آئی ٹی پارکس اور250ای روزگارمراکزقائم کیےجائیں گے۔ اسٹارٹ اپس کیلئےٹیکس میں چھوٹ کیلئےاقدامات کیےجائیں گے۔

اجلاس میں ٹیلی کمیونی کیشنزسیکٹرکی ترقی اورفروغ کے حوالے سے تجاویزپیش کی گئیں۔