وزیر اعظم شہبازشریف ایک روزہ دورے پر تہران پہنچ گئے۔ وزیراعظم ایرانی سپریم لیڈر آیت اللہ خامنہ ای سے ملاقات کریں گے۔

وزیراعظم ایران کے سپریم لیڈر، رہبرمعظم انقلاب اسلامی آیت اللہ امام خامنہ ای اور ایران کے قائم مقام صدرڈاکٹر محمد مخبر سے ملاقات کریں۔

چدورے کے دوران وزیراعظم شہبازشریف پاکستان کے عوام اور حکومت کی جانب سے تعزیت کا اظہار کریں گے۔

نائب وزیراعظم و وزیر خارجہ اسحاق ڈار، وفاقی وزیر داخلہ سید محسن رضا نقوی، وفاقی وزیراطلاعات و نشریات بھی وزیراعظم کے ہمراہ ہیں۔

واضح رہے کہ ایرانی صدرابراہیم رئیسی، وزیر خارجہ حسین امیرعبداللہیان اور دیگر کی نماز جنازہ ادا  کردی گئی۔

بین الاقوامی خبررساں ادارے کے مطابق  ہیلی کاپٹر حادثے میں جاں بحق ہونے والے ایرانی صدر ابراہیم رئیسی  اور دیگر کی نماز جنازہ دارالحکومت تہران میں ادا کی گئی۔

نماز جنازہ ایرانی سپریم لیڈر آیت اللہ خامنہ ای  نے پڑھائی جس میں  کئی ممالک سے آنے والی شخصیات، فلسطینی مزاحمتی تحریک حماس کے رہنما اسماعیل ہنیہ سمیت ہزاروں افراد شریک تھے۔

ایرانی صدرابراہیم رئیسی کو مشہد میں امام علی رضا کے روضے کے احاطے میں سپرد خاک کیا جائے گا۔