کراچی میں گرمی بڑھنے کے ساتھ ہی لوڈشیڈنگ میں اضافہ
کراچی: شہر قائد میں بدترین گرمی کے ساتھ بجلی کی لوڈشیڈنگ نے شہریوں جینا محال کر دیاہے۔
شہر کے مختلف علاقوں میں بجلی کی لوڈشیڈنگ کے خلاف احتجاج سنگین شکل اختیار کرتا جارہا ہے، گزشتہ روز بھی کئی گھنٹوں کی لوڈشیڈنگ کے خلاف شہریوں نے احتجاج کیا۔
کراچی کے مختلف علاقوں میں 12 سے 14 گھنٹے کی لوڈشیڈنگ کی جارہی ہے ان میں لانڈھی، ملیر، شاہ فیصل کالونی، بلدیہ سائٹ، اورنگی ٹائون، کورنگی کے مختلف علاقے شامل ہیں۔
دوسری جانب یوسف گوٹھ، صدیق گوٹھ، رنچھوڑ لائن، لائنز ایریا، لیاری، شانتی گلی، نانا کواڑہ سمیت کئی علاقوں میں بھی بدترین لوڈشیڈنگ کا سلسلہ جاری ہے۔
شہریوں کا کہنا ہے کہ بھاری بھرکم بلوں کی ادائیگی کے باوجود بجلی کی لوڈشیڈنگ کی جارہی ہے ہمیں کے الیکٹرک کے عذاب سے نجات دلائی جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
