مویشی منڈی کی رونقیں بحال، 30 ہزار سے زائد جانور پہنچ گئے

کفیل احمد

24th May, 2024. 04:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

مویشی منڈی کی رونقیں بحال، 30 ہزار سے زائد جانور پہنچ گئے
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

مویشی منڈی کی رونقیں بحال، 30 ہزار سے زائد جانور پہنچ گئے

کراچی : نادرن بائی پاس پر قائم مویشی منڈی میں 30 ہزار سے زائد جانور پہنچ گئے۔

نادرن بائی پاس پر قائم مویشی منڈی میں اونٹ کے ساتھ بکرا منڈی کا بھی میلہ سج گیا ہے، کراچی کی سب سے بڑی مویشی منڈی میں ملک کے مختلف شہروں سے قربانی کے 30 ہزار سے زائد جانور پہنچ گئے ہیں۔

پنجاب، سندہ، کے پی کے اور بلوچستان سے عید قرباں کے لیے جانوروں کی آمد کا سلسلہ جاری ہے، گائے بیل کے ساتھ ساتھ بکروں اور اونٹوں کی بھی بڑی تعداد مویشی منڈی پہنچ گئی ہے۔

ناردرن بائی مویشی منڈی میں اندرون سندہ سے لائے گئے اونٹوں کی دھوم ہے جب کہ نظیر آباد نواب شاہ سے 100 سے زائد اونٹ قربانی کے لیے منڈی کی زینت بن گئے ہیں۔

لاری، سندھی، تھری، ساکرہ، پہاڑی اور دیسی سمیت مختلف نسلوں کے اونٹ خریداروں کے منتظر ہیں جب کہ بیوپاری ایک اونٹ کی قیمت دو لاکھ سے لے کر 15 لاکھ تک بتارہے ہیں۔

اونٹ بلاک کے ساتھ بنی بکرا منڈی میں بھی میلہ سج گیا ہے۔ میر پور خاص اور نواب شاہ سمیت اندرون سندہ سے خوبصورت بکرے مویشی منڈی پہنچ گئے ہیں۔

میر پور خاص سے لائے گئے ڈیڑہ سے دو من کے بکروں کی قیمت 3 لاکھ سے 4 لاکھ تک بتائی جارہی ہے۔