بجٹ تجاویز پہلے ہی دے چکے ہیں لیکن نئے حالات میں مزید غور و فکر کی ضرورت ہے، وفاقی ٹیکس محتسب

ویب ڈیسک

24th May, 2024. 09:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ تجاویز پہلے ہی دے چکے ہیں لیکن نئے حالات میں مزید غور و فکر کی ضرورت ہے، وفاقی ٹیکس محتسب

وفاقی ٹیکس محتسب ڈاکٹر آصف محمود جاہ نے کہا ہے کہ بجٹ تجاویز پہلے ہی دے چکے ہیں لیکن نئے حالات میں مزید غور و فکر کی ضرورت ہے۔

وفاقی ٹیکس محتسب کی ایڈوائزری کمیٹی کا اجلاس ہوا، جس کی صدارت ڈاکٹر آصف محمود جاہ نے کی۔

اس موقع پر ڈاکٹر آصف محمود جاہ کا کہنا تھا کہ ٹیکس گزار کو عزت دی جائے تو لوگ از خود ٹیکس نیٹ میں آئیں گے، ٹیکس کی ادائیگی کرنے والوں کے لئے قوانین کو سادہ بنایا جائے۔

انہوں نے کہا کہ اجلاس میں آئندہ بجٹ میں انکم ٹیکس، کسٹم سے متعلق تجاویز پر سیر حاصل گفتگو کی گئی، اجلاس میں طے پانے والی تجاویز کو حتمی شکل دے کر حکومت کو بھجوایا جائے گا۔

ان کا کہنا تھا کہ بجٹ تجاویز پہلے ہی دے چکے ہیں لیکن نئے حالات میں مزید غور و فکر کی ضرورت ہے۔

وفاقی ٹیکس محتسب کے مطابق مختلف شعبوں سے تعلق رکھنے والے 800 افراد نے دوتین لاکھ آمدن پر چالیس فیصد ٹیکس کی شکایات کیں، شکایات کرنے والے 145 افراد کو ریلیف دیا جاچکا ہے۔

اجلاس میں ایوان ہائے صنعت و تجارت کے صدور اور وکلاء نمائندوں نے شرکت کی جبکہ ایف بی آر کے اعلیٰ افسران بھی اسلام آباد سے زوم کے ذریعے شریک ہوئے۔