خیبر پختونخواہ کے وزیراطلاعات اجمل وزیر نے کہا ہے کہ صوبے بھر میں حفاظتی پابندیوں کا اب تک اچھا رزلٹ آ رہا ہے جبکہ بیرونی ممالک سے آنے والوں کو بھی ٹریس کیا جا رہا ہے۔

تفصیلات کے مطابق اجمل وزیر نے پریس کانفرنس کرتے ہوئے کہا ہے کہ خیبرپختونخوا میں کورونا کے مصدقہ کیسز کی تعداد 180 ہے جبکہ صوبےمیں 195کےٹیسٹ منفی آئے، 345افرادکی ٹیسٹ رپورٹ آنا باقی ہے۔

ریلیف پیکج کے حوالے سے انہون نے بتایا کہ کابینہ کی طرف سے منظور شدہ پیکج صوبے کے 19 لاکھ مستحق خاندانوں میں تقسیم کیا جائیگا جبکہ ہزار روپے احساس پروگرام کے تحت جبکہ 2 ہزار روپے خیبر پختون خوا حکومت کی طرف سے دیا جائیگا۔

ان کا کہنا تھا کہ کاروباری طبقے کے لئے 5 ارب روپے کی چھوٹ ٹیکس کی بھی منظوری دی گئی ہے، محکمہ صحت کو ضروری میڈیکل سامان لینے کے لئے 8 ارب روپے دئیں جائینگے۔

کورونا وائرس کا خطرہ، حمزہ شہباز نے ضمانت کے لئے درخواست دائر کردی

اجمل وزیر نے کہا ہے کہ پیکج کی کل لاگت 11 ارب 40 کروڑ ہے جبکہ کابینہ نے محمکہ ریلیف کو 6 ارب روپے کی منظوری دی گئی ہے۔

انہوں نے بتایا کہ ٹیسٹنگ کٹس کی تعداد 500 تک پہنچا دی گئی ہے، کورونا ٹسٹ کی سہولت پورے صوبے تک پہنچائی جائیگی جس کے لئے ضلعی ہسپتالوں میں تمام ضروری آلات فراہم کر رہے ہیں۔

وزیر اطلاعات کا کہنا تاھ کہ ہیلتھ ورکرز، پولیس اور فرنٹ لائن پر موجود تمام عملے کے لیے حفاظتی انتظامات کر لیے گئے ہیں، عوام بیرونی ممالک سے آنے والوں کا ٹال فری نمبر 1700 یا 080001700 پر اطلاع دے تاکہ کورونا وائرس کو روکا جا سکے۔

انہوں نے کہا کہ میڈیا سے وابستہ لوگوں کے لیے حفاظتی کٹس کی فراہمی یقینی بنائیں گے جبکہ میڈیا نمائندگان کو خصوصی کارڈز جاری کئے جا رہے ہیں تاکہ کورونا وائرس کے خلاف کام کرنے میں ان کو آسانی ہوں۔

کوروناوائرس سے ایک اور خاتون جاں بحق ہوگئی ہیں جس کی وزیراطلاعات خیبرپختونخوا  اجمل وزیر  نے تصدیق کردی اور کہا کہ ڈسٹرکٹ دیر سے تعلق رکھنے والی خاتون کورونا سےجاں بحق ہوئیں۔