نیپال میں واقع دنیا کی سب سے بڑی چوٹی ماؤنٹ ایورسٹ سر کرنے کے جنون میں 4 کوہ پیما جان کی بازی ہار گئے ہیں۔

دنیا کی بلند ترین چوٹی ماؤنٹ ایورسٹ کی چوٹی کے قریب کینیا کا ایک کوہ پیما اور ایک نیپالی کوہ پیما ہلاک ہو گئے ہیں جس کے بعد رواں سیزن میں دنیا کی بلند ترین چوٹی پر مرنے والوں کی تعداد کم از کم چار ہو گئی ہے۔

گزشتہ سال 600 سے زائد کوہ پیما چوٹی پر پہنچے تھے لیکن یہ پہاڑ پر سب سے مہلک موسم بھی تھا جس میں 18 افراد ہلاک ہوئے تھے۔

40 سالہ جوشوا چیروئیوت کیروئی اور ان کے نیپالی گائیڈ 44 سالہ نوانگ شیرپا کا بدھ کی صبح رابطہ منقطع ہو گیا اور 8849 میٹر (29032 فٹ) بلند پہاڑ پر ایک سرچ ٹیم تعینات کی گئی۔

بیس کیمپ میں محکمہ سیاحت کے فیلڈ آفس کے سربراہ کھیم لال گوتم نے خبر رساں ادارے کو بتایا کہ ٹیم نے چوٹی اور ہیلری اسٹیپ کے درمیان کینیا کے کوہ پیما کو مردہ پایا ہے لیکن اس کا گائیڈ اب بھی لاپتہ ہے۔

محکمہ سیاحت کی جانب سے جاری ایک بیان میں کہا گیا ہے کہ ایک اور نیپالی کوہ پیما 37 سالہ بنود بابو باستاکوٹی کی بدھ کے روز تقریبا 8200 میٹر (26902 فٹ) کی بلندی پر موت ہو گئی۔

سرچ ٹیمیں اب بھی ایک 40 سالہ برطانوی کوہ پیما اور اس کے نیپالی گائیڈ کی تلاش میں ہیں جو منگل کی صبح ایورسٹ کی چوٹی سے اترتے وقت برف کا ڈھیر گرنے کے بعد لاپتہ ہو گئے تھے۔

رومانیہ کا ایک کوہ پیما دنیا کی چوتھی بلند ترین چوٹی لوٹسے کو سر کرنے کی کوشش کے دوران اپنے خیمے میں ہلاک ہو گیا۔

ماؤنٹ ایورسٹ اور لوٹسے ایک ہی راستے پر واقع ہیں اور تقریبا 7200 میٹر کی بلندی پر پہنچ جاتے ہیں۔