امیر کویت اور امیر قطر نے دورہ پاکستان کی دعوت کو قبول کرلی

فہد چوہدری

26th May, 2024. 01:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امیر کویت اور امیر قطر نے دورہ پاکستان کی دعوت کو قبول کرلی

امیر کویت اور امیر قطر نے وزیراعظم محمد شہباز شریف کی دورہ پاکستان کی دعوت کو قبول کرلیا ہے۔

پاکستان میں تعینات کویت اور قطر کے سفرا کی وزیراعظم سے الگ الگ ملاقات ہوئی جس میں وزیراعظم محمد شہباز شریف کو دورہ پاکستان کی دعوت قبول کرنے کا بتایا۔

کویت کے سفیر نے وزیراعظم کو کویت کے امیر عزت مآب شیخ مشعل الاحمد الجابر الصباح کا ایک خط پیش کیا جس میں امیر کویت کی جانب سے دورہ پاکستان کی دعوت قبول کرنے کا پیغام موجود تھا۔

قطر کے سفیر نے وزیراعظم کو امیر قطر عزت مآب شیخ تمیم بن حمد الثانی کا خط پیش کیا جس میں امیر قطر نے دورہ پاکستان کی دعوت کو قبول کرنے کا پیغام دیا ہے۔

پاکستان کے کویت اور قطر کے ساتھ دو طرفہ تعلقات کو مزید فروغ دینے کے حوالے سے یہ ایک بڑی پیشرفت ہے جب کہ سفارتی محاذ پر پاکستان کی مثبت پیشرفت کا سلسلہ جاری ہے۔

امیر کویت اور امیر قطر کا دورہ پاکستان کے کویت اور قطر کے ساتھ سرمایہ کاری اور دیگر شعبوں میں تعاون مزید بڑھانے میں کارگر ثابت ہوگا۔