2 بچوں کی ماں 19 ویں منزل کی بالکونی سے گر کر ہلاک

ویب ڈیسک

26th May, 2024. 05:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

2 بچوں کی ماں 19 ویں منزل کی بالکونی سے گر کر ہلاک

متحدہ عرب امارات میں 2 بچوں کی ماں 19 ویں منزل کے اپارٹمنٹ سے گر کر ہلاک ہو گئی۔

فجیرہ میں ایک 30 سالہ بھارتی تارکین وطن خاتون 19 ویں منزل سے گر کر ہلاک ہو گئی، متوفیہ کی شناخت شنیفہ بابو کے نام سے ہوئی ہے جو اس عمارت کی 19 ویں منزل پر واقع اپنے اپارٹمنٹ کی بالکونی سے گر گئی تھی۔

دو بیٹیوں کے ساتھ شادی شدہ شنیفہ سوشل میڈیا پر ہزاروں فالوورز کے ساتھ مقبول تھیں۔ وفات کے وقت ان کی والدہ دبئی سے ان سے ملنے آئی تھیں۔

ایک خاندانی دوست نے نام ظاہر نہ کرنے کی شرط پر بتایا کہ ہمیں نہیں معلوم کہ کیا ہوا، یہ واقعہ صبح 9 بجے کے قریب پیش آیا اور اس وقت اس کا شوہر، ماں اور بچے اپارٹمنٹ میں موجود تھے۔

شنیفہ کی پرورش متحدہ عرب امارات میں ہوئی اور ان کا پورا خاندان یہیں رہتا ہے۔ ہفتہ کے روز اس کی ماں دبئی سے فجیرہ میں ان سے ملنے گئی تھی۔

سماجی کارکنوں کے مطابق، شنیفہ کی والدہ اور شوہر دونوں رسمی کارروائیوں کو پورا کرنے کے لئے اتوار کی علی الصبح تک پولیس اسٹیشن میں موجود تھے۔

متوفی کی نعش فجیرہ اسپتال کے مردہ خانے میں رکھی گئی ہے۔

شنیفہ کے شوہر ایک کاروباری شخصیت ہیں، جن کی امارات میں اپنی تعمیراتی فرم ہے۔ اس جوڑے کا تعلق جنوبی بھارتی ریاست کیرالہ سے تھا۔