آئی ایم ایف کی جانب سے پاکستان کو کورونا وائرس سےنمٹنے کے لئے مالی اعانت فراہم کرنے کی حمایت کردی گئی ہے۔

تفصیلات کے مطابق ایم ڈی آئی ایم ایف نے اپنے ٹوئٹ میں یہ بات کہی ہے کہ آئی ایم ایف اس مشکل وقت میں پاکستان کو مالی اعانت فراہم کرے گا۔

منیجنگ ڈائریکٹر آئی ایم ایف کرسٹالینا جیارج نے کہا ہے کہ کرونا وائرس کے اثرات کم کرنے کے اقدامات پر وزیر اعظم پاکستان سے اچھی گفتگو ہوئی ہے جبکہ کرونا وائرس سے نمٹنے کیلئے پالیسیوں کے ڈیزائن میں بھی پاکستان کی مدد کی جائے گی۔

یاد رہے کہ گذشتہ روزآئی ایم ایف کی مینجنگ ڈائریکٹر کرسٹالینا جارجیوا کا پاکستان سے متعلق بیان سامنے آیا تھا جس میں انہوں نے پاکستان کی موجودہ صورتحال پر کاوشوں کو سراہا ہے اور کہا ہے کہ پاکستان معاشی اصلاحات پر کاربند ہے۔

کورونا وائرس: آئی ایم ایف کا بلا سود قرض دینے کا اعلان

ایم ڈی آئی ایم ایف نے اپنے بیان میں کہا ہے کہ موجودہ حالات پاکستانی معیشت کے لیے چیلنجنگ ہیں اور ان تمام صورتحال میں وزیراعظم عمران خان کا انسداد کورونا ریلیف پیکج خوش آئند ہے کیونکہ اس ریلیف پیکج سے متاثرہ خاندانوں کو مدد مل سکے گی۔

ایم ڈی کا کہنا تھا کہ پاکستان کی جانب سے فوری فنڈز کا مطالبہ کیا گیا ہے جو کہ پاکستان یہ فنڈ انسداد کورونا اور ریلیف سرگرمیوں کے لیے استعمال کرنا چاہتا ہے۔

ایم ڈی کی جانب سے امید ظاہر کی گئی ہے کہ آئی ایم ایف بورڈ جلد پاکستان کے مطالبے کو منظوری دے دی جائیگی جبکہ ریلیف اقدامات میں پاکستان کے ساتھ تعاون جاری رہے گا۔

انہوں نے کہا کہ امید ہے پاکستان اصلاحات کے ذریعہ معاشی استحکام حاصل کرلے گا۔

خیال رہے کہ اس سے قبل مشیر خزانہ کا کہنا تھا کہ کورونا وائرس کے معیشت پر پڑنے والے اثرات سے نمٹنے کیلئے پاکستان مزید قرض لے گا ، آئی ایم ایف ، عالمی بینک اور ایشیائی ترقیاتی بینک پاکستان کو 584؍ ارب روپے دینے پر تیار ہوگئے ہیں۔

مشیر خزانہ عبدالحفیظ شیخ نے کہا کہ عالمی اداروں سے امداد بھی ملے گی ، کیپٹل ویلیو ٹیکس ختم کیا جارہا ہے، دالوں، گھی، چینی وغیرہ پر ٹیکس کم یا ختم کریں گے ، بجلی گیس بلوں کی لیٹ فیس معاف ہوں گے ، تین مزید سستا کریں گے ۔

یاد رہے کہا آئی ایم ایف نے کرونا وائرس کی روک تھام کے لیے بلا سود فنڈز دینے کا اعلان کیا ہے۔ اس حوالے ایم ڈی آئی ایم ایف کا کہنا ہے کہ کرونا وائرس سے متاثرہ ممالک کو بلا سود فنڈز دیے جائینگے۔