حج سیزن کے دوران ویزہ رکھنے افراد پر بھی مکہ مکرمہ میں داخلے پر پابندی

ویب ڈیسک

30th May, 2024. 02:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج سیزن کے دوران ویزہ رکھنے افراد پر بھی مکہ مکرمہ میں داخلے پر پابندی

حج سیزن کے دوران ویزہ رکھنے افراد پر بھی مکہ مکرمہ میں داخلے پر پابندی عائد کردی گئی۔

سعودی وزارت داخلہ کے مطابق مکہ مکرمہ میں غیر قانونی طور پر داخلے پر سزاؤں کا نفاذ اتوار 2 جون سے ہوگا۔

وزارت داخلہ نے کہا کہ مذکورہ تاریخ کے بعد پر وہ شخص جو اجازت نامے کے بغیر مکہ مکرمہ یا مشاعر مقدسہ میں پکڑا جائے گا تو اسے قانون کے مطابق سزا دی جائے گی۔

وزارت نے کہا کہ اجازت نامے کے بغیر مکہ مکرمہ یا مشاعر مقدسہ میں داخلہ غیر قانونی حج شمار کیا جائے گا جس کی سزا 10 ہزار ریال جرمانہ ہے جب کہ غیر ملکی کو ملک سے بے دخل کرکے بلیک لسٹ کردیا جائے گا۔

وزارت داخلہ کا کہنا تھا کہ سزاؤں کا نفاذ دو جون سے 20 جون تک ہوگا جب کہ اجازت نامے کے بغیر عازمین کو مکہ لے جانے والے کو 6 ماہ قید اور50 ہزار ریال جرمانہ ہوگا اور اس کی گاڑی ضبط کرلی جائے گی۔

انہوں نے مزید کہا کہ اگر خلاف ورزی کرنے والا غیر ملکی ہوا تو اسے سزا کی مدت مکمل کرنے کے بعد ملک سے بے دخل کردیا جائے گا۔