وزیر خزانہ کا ڈیجیٹل گورننس کے فروغ پر زور

عمر حیات خان

03rd Jun, 2024. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خزانہ کا ڈیجیٹل گورننس کے فروغ پر زور

اسلام آباد: وزیر خزانہ محمد اورنگزیب نے ڈیجیٹل گورننس کے فروغ پر زور دیا ہے۔

وزارت خزانہ کی جانب سے جاری کردہ بیان کے مطابق وزیر خزانہ محمد اورنگزیب سے ٹیکنالوجی اور ٹیکس میکنزی اینڈ کمپنی کے ریجنل ہیڈ نے ملاقات کی۔

وزارت خزانہ کا کہنا ہے کہ ملاقات میں وزیر مملکت علی پرویز ملک بھی شریک تھے جب کہ وزیر خزانہ نے ملاقات میں ڈیجیٹل گورننس کے فروغ پر زور دیا۔

وزارت خزانہ نے بتایا کہ ملاقات کے دوران فیڈرل بورڈ آف ریونیو کی ڈیجیٹلائزیشن کے امور پر تبادلہ خیال کیا گیا جب کہ ایف بی آر کی ڈیجیٹلائزیشن کے ذریعے ٹیکس وصولی کو بہتر بنانے کے عزم کا اظہار کیا گیا ہے۔

وزارت خزانہ کے مطابق وزیر مملکت علی پرویز ملک نے ڈیجیٹلائزیشن کے حوالے سے مؤثر اقدامات کی اہمیت پر زور دیا جب کہ وفد نے ملاقات پر وزیر خزانہ محمد اورنگزیب کا شکریہ ادا کیا۔

وزارت خزانہ کا مزید کہنا تھا کہ میکنزی ٹیم کی مقررہ وقت میں ایف بی آر کی ڈیجیٹلائزیشن کی تکمیل کی یقین دہانی کروائی گئی ہے۔