سویڈن بھر میں نرسوں کی ہڑتال

ویب ڈیسک

04th Jun, 2024. 02:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سویڈن بھر میں نرسوں کی ہڑتال

حکومتی اداروں کی جانب سے ہیلتھ پروفیشنلز یونین کے مطالبات منظور نہ کیے جانے پر سویڈن بھر میں نرسوں نے ہڑتال کردی۔

بین الاقوامی خبررساں ادارے کے مطابق مطالبات منظور نہ ہونے کی وجہ سے دو ہزار سے زائد نرسیں اور مڈوائفس آج ہڑتال کریں گی۔

ہیلتھ پروفیشنلز اور حکومتی اداروں میں گزشتہ ایک ماہ سے جاری تنازعے میں 430آپریشن ملتوی ہوئے۔

سویڈن ہیلتھ پروفیشنلز یونین کی جانب سے 25 اپریل کو حکومتی ادارے کے سامنے 63000 ممبران کے تحفظات رکھے گئے تھے۔

نرسز، مڈوائفس، بائیو میڈیکل سائنٹسٹس اور ریڈیوگرافرز پر کام کے بوجھ اور زائد اوقات کار اوور ٹائم کی رپورٹ پیش کرتے ہوئے ہیلتھ یونین کا کہنا تھا کہ اسپتالوں میں عملہ بعض اوقات دن رات کام کرتا رہتا ہے جبکہ قوانین کے مطابق ہفتے میں 40 گھنٹے سے زائد کام کرنا ممنوع ہے۔

حکومت کی جانب سے کوئی خاطر خواہ جواب موصول نا ہونے پر4 جون کو پہلی ہڑتال کی جارہی ہے۔