ملک بھر میں سیکیورٹی فورسز کا آپریشن؛ بھاری مقدار میں منشیات برآمد

سلمان علی اعوان

07th Jun, 2024. 09:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں سیکیورٹی فورسز کا آپریشن؛ بھاری مقدار میں منشیات برآمد

اسلام آباد: ملک بھر میں سیکیورٹی فورسز نے انسداد منشیات آپریشن کے دوران بھاری مقدار میں منشیات برآمد کرلیں۔

پاکستان کو نشے کی لعنت سے نجات دلوانے کیلئے حکومت پاکستان اور عسکری قیادت نے منشیات فروشوں کیخلاف سخت کارروائی کا آغاز کیا۔

ستمبر 2023 سے جاری اب تک آپریشن کے دوران متعلقہ اداروں نے ملک بھر سے 1032.03 میٹرک ٹن منشیات ضبط کیں اور 1495 منشیات فروشوں کو گرفتار کیا۔

26 مئی تا 05 جون کے دوران بلوچستان سے 146.36 کلو منشیات برآمد ہوئیں جن میں 139 کلو ہشیش، 7.36 کلو میتھ منشیات شامل ہیں۔

خیبر پختونخوا سے 15.97 کلو منشیات برآمد ہوئیں جن میں 7.7 کلو ہشیش اور 8.2 کلو میتھ شامل ہیں جبکہ گلگت بلتستان سے 77.57 کلو منشیات ضبط کی گئیں جن میں 54.42 کلو ہشیش، 14 کلو میتھ اور 9 کلو ہیروئن شامل ہیں۔

اس کے علاوہ پنجاب سے 41.32 کلو منشیات ضبط ہوئیں جن میں 29.8 کلو ہشیش، 8.4 کلو افیون اور 3.12 کلو میتھ شامل ہیں۔

متعلقہ اداروں نے سندھ سے 285.47 کلو منشیات ضبط کیں جن میں 3.47 کلو میتھ اور 282 کلو ہشیش شامل ہیں۔

ملک کو منشیات سے مکمل پاک کرنے کیلئے متعلقہ ادارے کارروائیاں جاری رکھنے کیلئے پرعزم ہیں۔