وزیرِ اعظم محمد شہباز شریف آج چینی صدر کے آبائی شہر میں مصروف دن گزاریں گے

فہد

08th Jun, 2024. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرِ اعظم محمد شہباز شریف آج چینی صدر کے آبائی شہر میں مصروف دن گزاریں گے

وزیرِاعظم محمد شہباز شریف آج چینی صدرعزت مآب شی جن پنگ کے آبائی شہر شی آن میں مصروف دن گزاریں گے۔

وزیرِاعظم یانگلنگ ایگری کلچرل ٹیکنالوجی ڈیمانسٹریشن بیس کا دورہ کریں گے جہاں وزیرِاعظم اور پاکستانی وفد کو ایس سی او ماڈرن ایگریکلچرل سینٹر کا دورہ کروایا جائے گا۔

وزیرِاعظم اور پاکستانی وفد کو یانگلنگ میں جدید زراعت پر بریفنگ اور عملی مظاہرے کے ساتھ ساتھ زراعت کی جدید فیکٹری کا دورہ بھی کروایا جائے گا۔

اس کے علاوہ وزیرِاعظم سے شانشی صوبے کے پارٹی سربراہ (سیکریٹری) جاؤ ایدا کی ملاقات ہوگی.

وزیرِاعظم محمد شہباز شریف پاکستانی وفد کے ہمراہ چین کے تاریخی ورثے ٹیراکوٹا وارئیر میوزیم کا دورہ کریں گے جہاں انہیں تاریخی ورثہ جات کے تحفظ و بحالی اور سیاحت کے فروغ کے حوالے سے بریفنگ دی جائے گی۔

واضح رہے کہ وزیر اعظم محمد شہباز شریف ان دنوں چین کے صدر شی جن پنگ اور وزیراعظم لی کیانگ کی دعوت پراپنے وفد کے ہمراہ 5 روزہ سرکاری دورے پر چین میں موجود ہیں۔