وزارت نیشنل فوڈ سیکیورٹی کے ترقیاتی بجٹ میں 3 ارب 71 کروڑ اضافے کا فیصلہ

عمر حیات خان

08th Jun, 2024. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزارت نیشنل فوڈ سیکیورٹی کے ترقیاتی بجٹ میں 3 ارب 71 کروڑ اضافے کا فیصلہ

وزارت نیشنل فوڈ سیکیورٹی کے ترقیاتی بجٹ میں 3 ارب 71 کروڑ اضافے کا فیصلہ کیا گیا۔

فوڈ سیکیورٹی کا بجٹ 8 ارب 85 کروڑ سے بڑھ کر 12 ارب 56 کروڑ ہو جائے گا۔ اگلے مالی سال فوڈ سیکیورٹی کے 13 نئے منصوبوں کیلئے 1 ارب 95 کروڑ مختص کیے گئے۔

ذرائع کا کہنا ہے کہ غذائی تحفظ کے 21 پرانے منصوبوں پر 10 ارب 61 کروڑ روپے خرچ ہونگے، جانوروں میں منہ اور کھر کی بیماری پر قابو پانے کیلئے 40 کروڑ رکھے گئے ہیں۔

اس منصوبے کے فیز ون پرمجموعی طورپر4 ارب 15 کروڑ روپے لاگت آئے گی۔ آبی گزرگاہوں کی بہتری کا 47 ارب لاگت کا منصوبہ، اگلے سال 4 ارب روپے مختص کیا گیا۔

زیتون کی کمرشل بنیادوں پرکاشت کے فروغ کے منصوبے پر 1 ارب خرچ ہونگے۔ زرعی شعبے میں استعدار کار بڑھانے کے نئے منصوبے پر 70 کروڑ خرچ ہونگے۔

خیبرپختوانخوا میں پانی زخیرہ کرنے کے منصوبے کیلئے 60 کروڑ روپے مختص جبکہ شمالی علاقہ جات میں ٹراوٹ فارمنگ کے فروغ کیلئے 20 کروڑ رکھے گئے ہیں۔

کپاس کی پیداوارمیں بہتری کے نئے منصوبے کیلئے 19 کروڑ روپے رکھے گئے ہیں۔ بیجوں کا معیار بہتر بنانے کے ٹریک اینڈ ٹریس سسٹم کیلئے 12 کروڑ 78 لاکھ مختص کیے گئے۔