روس میں زیر تعلیم چار بھارتی طالب علم دریائے وولخوف میں ڈوب گئے، ریسکیو حکام نے 2 طالب علموں کی لاشیں برآمد کر لی ہیں۔

روس میں سینٹ پیٹرزبرگ کے قریب ایک ندی میں ڈوبنے والے چار بھارتی میڈیکل طالب علموں کی موت ہو گئی جبکہ پانچویں کو بچا لیا گیا ہے جسے طبی امداد دی جا رہی ہے۔

روس میں بھارتی سفارت خانے نے ایڈوائزری جاری کی اور طلباء سے آبی ذخائر میں جاتے وقت محتاط رہنے کی اپیل کی ہے۔

وزارت نے اپنے بیان میں کہا کہ سینٹ پیٹرزبرگ میں ہمارا قونصل خانہ یونیورسٹی اور مقامی حکام کے ساتھ رابطے میں ہے اور ہر ممکن مدد فراہم کر رہا ہے۔

مقامی ایمرجنسی سروسز نے اب تک دریائے وولخوف سے دو لاشیں برآمد کی ہیں، سینٹ پیٹرزبرگ میں بھارتی قونصل خانہ لاشوں کی واپسی کے لئے مقامی حکام کے ساتھ رابطہ کر رہا ہے۔

حادثے کا شکار ہونے والے تمام پانچ طالب علم روس کے شہر ویلیکی نووگورود میں واقع یاروسلاو دی وائز نووگورود اسٹیٹ یونیورسٹی میں زیر تعلیم تھے۔

بھارتی سفارت خانے نے یقین دلایا ہے کہ حکام لاشوں کو جلد از جلد رشتہ داروں کے پاس بھیجنے کے لئے کام کر رہے ہیں۔  ترجمان نے مزید کہا کہ ہم لاشوں کو جلد از جلد رشتہ داروں کے پاس بھیجنے کے لیے کام کر رہے ہیں۔

ماسکو میں بھارتی سفارت خانے نے ایکس پر ایک پوسٹ میں کہا کہ جس طالب علم کی جان بچائی گئی ہے اسے مناسب علاج بھی فراہم کیا جارہا ہے۔