کراچی میں شدید گرمی کے دوران طویل لوڈ شیڈنگ؛ شہری سڑکوں پر آگئے

ویب ڈیسک

24th Jun, 2024. 10:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں شدید گرمی کے دوران طویل لوڈ شیڈنگ؛ شہری سڑکوں پر آگئے

شدید گرمی میں بجلی کی بندش کے خلاف کراچی کے متعدد علاقوں میں مکین سراپا احتجاج ہوگئے۔

ملک کے سب سے بڑے شہر کراچی کے متعدد علاقوں میں 14 اور 16 گھنٹے تک بجلی کی لوڈشیڈنگ جاری ہے جبکہ جس سے گرمی کے ستائے شہریوں کی مشکلات مزید بڑھ گئی ہیں۔

کراچی کے علاقے لیاقت آباد بی ون ایریا میں رات گئے بجلی کی فراہمی معطل رہی، لوڈشیڈنگ کیخلاف لیاقت آباد کی مین شاہراہ بند کردی گئی، احتجاج کے باعث اطراف میں شدید ٹریفک جام ہو گیا، 14،16 گھنٹے کی لوڈشیڈنگ سے شہری احتجاج پر مجبور ہوگئے۔

اس کے علاوہ گارڈن نشتر روڈ پر بھی بجلی کی عدم فراہمی پر عوام نے سراپا احتجاج کیا، علاقہ مکینوں نے سڑک پر ٹائر جلا کر اور رکاوٹیں لگا کر روڈ بلاک کردیا۔

مظاہرین کا کہنا ہے کہ بجلی کی آنکھ مچولی کا سلسلہ مسلسل جاری ہے، سخت گرمی میں بچوں، بزرگ اور خواتین کو مشکلات کا سامنا ہے، متعدد بار شکایت کے باوجود کسی قسم کی شنوائی نہیں کی جارہی۔

واضح رہے کہ کراچی میں لوڈشیڈنگ علاقے میں بجلی چوری اور نقصانات کی شرح پر منحصر ہے۔