شدید گرمی کی لہر، ملک بھر میں بجلی کا شارٹ فال بڑھنے لگا

ملک سعید اعوان

24th Jun, 2024. 02:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید گرمی کی لہر، ملک بھر میں بجلی کا شارٹ فال بڑھنے لگا

ملک بھرمیں شدید گرمی کی لہر کے ساتھ ہی بجلی کا شارٹ فال بھی بڑھنے لگا ہے، ملک میں آج بجلی کا شارٹ فال 6 ہزار419 میگاواٹ تک پہنچ گیا ہے۔

پاور ڈویژن ذرائع کے مطابق ملک بھرمیں آج بجلی کی طلب 25 ہزار 500 میگاواٹ ہے، جبکہ ملک میں بجلی کی مجموعی پیداوار 19 ہزار 81 میگاواٹ ہے۔

ذرائع نے بتایا کہ پن بجلی سے آج 6 ہزار95 میگاواٹ بجلی پیدا ہورہی ہے، جبکہ سرکاری تھرمل پاور پلانٹس 657 میگاواٹ بجلی پیدا کررہے ہیں۔

اس کے علاوہ نجی شعبے کے بجلی گھروں کی پیداوار 7 ہزار565 میگاواٹ ہے، جبکہ ونڈ پاور پلانٹس سے 1 ہزار206 میگاواٹ بجلی پیدا ہورہی ہے۔

پاورڈویژن ذرائع کے مطابق سولرپاور پلانٹس سے 198، بگاس سے 141 میگاواٹ بجلی کی پیداوار ہے، جبکہ نیوکلئیر پاور پلانٹس سے 3 ہزار 222 میگاواٹ بجلی پیدا ہورہی ہے۔

شارٹ فال کے باعث مختلف علاقوں میں لوڈ شیڈنگ جاری ہے، شہری علاقوں میں 6 گھنٹے تک بجلی کی لوڈ شیڈنگ کی جارہی ہے جبکہ دیہی علاقوں میں لوڈ شیڈنگ کا دورانیہ 8 گھنٹے تک ہے اس کے علاوہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔