نئے فنانس بل 2024 کے حوالے سے مجموعی طور پر 128سفارشات پیش، سینیٹ نے قائمہ کمیٹی خزانہ کی سفارش پرتجاویز قومی اسمبلی کوبھیج دیں۔

سینیٹ نے 35 ہزارسے زیادہ کی ٹرانزیکشنزکریڈٹ، ڈیبٹ کارڈ سے لازمی قراردینے، سولرپینل کی درآمداورمینوفیکچرنگ پریکساں سیلز، 8 اسٹیشنری آئٹمزپرسیلزٹیلس واپس لینے، مارکیٹ میں فروخت ہونے والی تمام اشیاپرقیمت پرنٹ کرنےاورزرعی آمدن پرٹیکس لگانے کی سفارش کردی۔

سینیٹ نے خیراتی اداروں کے نام پرٹیکس چھوٹ حاصل کرنے والی تنظیموں کی نشاندہی کی سفارش کے ساتھ ساتھ ایف بی آرمیں خالی 5 ہزارآسامیوں پرفوری میرٹ پربھرتی، معذورملازم افراد کو100 فیصد اضافی الاؤنس دینے اورکارپوریٹ ڈیبٹ کارڈ ٹرانزیکشنز پر 5 فیصد اضافی ٹیکس واپس لینے کی سفارش کی۔

سینیٹ نےآئی ٹی کمپنیوں پردوہرے ٹیکس کےخاتمے، موبائل فونزپراضافی ٹیکس واپس لینے، پولٹری کی خوراک پرسیلزٹیکس کے نفاذ کی تجویزواپس لینےکی سفارش کی سفارش کردی۔

بیرون ملک جائیداد کی ویلیوپر1 فیصد ٹیکس کے بجائے رینٹل انکم پر 1 فیصد ٹیکس، کریڈٹ کارڈکی سالانہ حد 30 ہزار ڈالر سے بڑھا کر50 ہزارڈالرکرنےکی سفارش کے ساتھ ساتھ سینیٹ نے تنخواہ دارطبقے پرٹیکس کا بوجھ کم کرنےکی بھی سفارش کردی۔

سینیٹ نے موٹرسائیکل طبقے کوریلیف دینے کیلئے سستے پٹرول کا طریقہ کاروضع کرنے، نیوزپرنٹ پر10 فیصدجی ایس ٹی کی تجویزواپس لینے، خیراتی اسپتالوں کوطبی آلات اورادویات پرسیلزٹیکس چھوٹ دینے اوربلوچستان کےنوجوانوں کیلئے خصوصی پروگرام شروع کرنےکی سفارش کردی۔