کراچی: محکمہ داخلہ سندھ نے 9 اور 10 محرم کوڈبل سواری پر پابندی عائد کردی ہے۔

محکمہ داخلہ سندھ کی جانب سے 9 اور 10 محرم کوڈبل سواری پر پابندی عائد کی گئی ہے جس کا نوٹیفکیشن بھی جاری کردیا گیا ہے جب کہ 12 سال سے کم عمر سمیت بزرگ اورصحافیوں کو استشنیٰ حاصل ہوگا۔

نوٹیفکیشن کے مطابق محکمہ داخلہ نے لاؤڈ اسپیکر کے بے جا استعمال پر پابندی عائد کی ہے، پابندی سندھ ساؤنڈ سسٹم ایکٹ 2015 کے تحت عائد کی گئی ہے۔

علاوہ ازیں ڈرونز اڑانے پر بھی پابندی عائد کردی گئی ہے، محرم کی مجالس اور جلوس کے دوران ڈرونز اڑانے پر پابندی ہوگی۔

محکمہ داخلہ سندھ نے بغیراجازت جلوس، مجالس اورتعزیے کے جلوسوں پر بھی پابندی عائد کردی ہے۔ کسی بھی مجلس، جلوس، تعزیے اور جلسے سے پہلے متعلقہ ڈی سی سے اجازت لینا لازمی ہوگا۔

نوٹیفکیشن میں کہا گیا ہے کہ غیر متعلقہ افراد کے جلوسوں کے روٹ پر اونچی عمارتوں پر بیٹھنے پر بھی پابندی عائد ہوگی جب کہ کوئی بھی غیر متعلقہ شخص بغیر کسی وجہ کے چھت پر کھڑا نہیں ہوگا۔

نوٹیفکیشن کے مطابق لائسنس یافتہ ہتیھار ساتھ لے کر چلنے پر بھی پابندی عائد ہے، سیکیورٹی ایجنسیز کے اہلکار اور اجازت یافتہ گارڈز کو اجازت ہوگی۔

نوٹیفکیشن میں مزید کہا گیا ہے کہ مجالس، جلوس اور تعزیے کے علاوہ 4 سے زائد افراد کے ساتھ کھڑے ہونے پرپاندی عائد ہے، محکمہ داخلہ نے نفرت انگیزمواد چھانپنے، اشتہاربنانے اور تقریر کرنے پر دفعہ 144 نافذ ہوگی۔