گراں فروشی، نامکمل لیبلنگ اور ناقص انتظامات پرجرمانے اور وارننگ نوٹس جاری

ویب ڈیسک

30th Jun, 2024. 12:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گراں فروشی، نامکمل لیبلنگ اور ناقص انتظامات پرجرمانے اور وارننگ نوٹس جاری

وزیراعلی پنجاب مریم نوازشریف کی ہدایت پرمحکمہ خوراک کی جانب سے صوبہ بھر میں ایکشن، گراں فروشی، نامکمل لیبلنگ اور ناقص انتظامات پرجرمانے اور وارننگ نوٹس جاری کردیے گئے۔

وزیر خوراک بلال یاسین کا کہنا ہے کہ 24 گھنٹوں میں 523 فلورملز، آٹا ڈیلرزاورریٹیل شاپس کی چیکنگ کی گئی، گراں فروشی، نامکمل لیبلنگ اورناقص انتظامات پر7 لاکھ 20 ہزار کے جرمانے، متعدد کو وارننگ نوٹس جاری کردیے۔

صوبائی وزیر خوراک نے بتایا کہ لاہورڈویژن میں 25، فیصل آباد 43، ساہیوال میں 33 مقامات چیک کیے، راولپنڈی ڈویژن میں61، سرگودھا میں 77 مقامات کی چیکنگ کی گئی، ملتان ڈویژن میں 38، بہاولپور 35 اور ڈی جی خان میں 89 مقامات چیک کیے، گجرات ڈویژن میں 85 جبکہ گوجرانوالہ میں37 مقامات کی چیکنگ ہوئی۔

بلال یاسین کا کہنا ہے کہ آٹے کی قیمت میں مصنوعی اضافہ کرنیوالوں کیخلاف مقدمات بھی درج کیے جائیں گے، مارکیٹ میں مصنوعی بحران پیدا کرنے کی کوشش کرنیوالوں کوبے نقاب کیا جارہا ہے، وافر سٹاک کے باوجود آٹا قیمتوں میں اضافے کی ہر کوشش ناکام بنائیں گے۔