کراچی میں گذشتہ رات جولائی کی گرم ترین رات ریکارڈ

ویب ڈیسک

01st Jul, 2024. 12:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں گذشتہ رات جولائی کی گرم ترین رات ریکارڈ

کراچی: شہر قائد میں گذشتہ رات 30 سالوں میں جولائی کی گرم ترین رات ریکارڈ کی گئی ہے۔

محکمہ موسمیات کے مطابق گذشتہ 30 سالوں میں جولائی کی گرم ترین رات ریکارڈ کی گئی ہے جب کہ آج رات کم سے کم درجہ حرارت 32 ڈگری سینٹی گریڈ ریکارڈ کیا گیا ہے۔

محکمہ موسمیات نے بتایا کہ جولائی کا معمول کا درجہ حرارت 27.9 ڈگری سینٹی گریڈ ہے جب کہ جولائی 2021 اور جولائی 2022 میں درجہ حرارت 31 ڈگری سینٹی گریڈ ریکارڈ کیا گیا تھا۔

دوسری جانب کراچی میں سمندری ہوائیں بحال ہونے پر آج سے گرمی کی شدت میں کمی متوقع ہے تاہم شہر میں اس وقت مطلع جزوی ابر آلود اور موسم گرم اور مرطوب ہے۔

کراچی میں موجودہ درجہ حرارت 32 ڈگری سینٹی گریڈ ریکارڈ کیا گیا ہے جب کہ آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے۔

آج ہوا میں نمی کا تناسب 73 فیصد ریکارڈ کیا گیا ہے جب کہ شہر میں اس وقت 18 کلو میٹر فی گھنٹہ کی رفتار سے جنوب مغربی ہوائیں چل رہی ہیں۔