وزیراعلیٰ پنجاب نے پورے پنجاب میں پانی کی نکاسی کو بروقت یقینی بنانے کی ہدایت دی ہے۔

وزیر اعلی پنجاب مریم نوز شریف نےلاہور شہر کے مختلف علاقوں کو دورہ کیا اور پانی کی نکاسی کے انتظامات کا جائزہ لیا۔

مریم نوز شریف نے کمشنر، ڈپٹی کمشنر ، اسسٹنٹ کمشنرز اور دیگر انتظامی افسران کو ہدایت دی کہ فیلڈ میں رہیں، اس کے علاوہ عید پر صفائی مہم کی طرح نکاسی آب کے لئے سیف سٹی ، ٹیکنالوجی کے ساتھ استعمال کریں۔

 وزیراعلی مریم نواز نے یہ بھی ہدایت دی کہ سیف سٹی کیمروں اور ڈرون کے ذریعے کھڑے بارش کے پانی  کوچیک کریں، اس کے علاوہ انہوں نے انتظامیہ سے ہر آدھے گھنٹے بعد صورتحال کی مانیٹرنگ رپورٹ طلب کرلی۔

مریم نوز شریف نے ہوائی اڈے سے شادمان، فیروز پور روڈ، ڈیوس روڈ، شملہ پہاڑی کے علاقوں کا معائنہ کیا، اس کے علاوہ اندرون و بیرون شہر کی سڑکوں، چوراہوں، بازاروں اور گلی محلوں کا ذاتی طور پر مشاہدہ کیا۔

وزیراعلی مریم نوازشریف نے قذافی اسٹیڈیم کا بھی دورہ کیا اور اسٹیڈیم میں پانی کے فوری نکاسی اور اضافی واٹر پمپس پہنچانے کی ہدایت دی۔

وزیراعلی پنجاب کی واسا کے عملے سے ملاقات کی اور محنت سے کام کرنے، متحرک اور فعال ہونے پر شاباش بھی دی۔

وزیراعلی مریم نواز نے مختلف مقامات پر گاڑی رکوائی اور نکاسی آب کے کام کا خود معائنہ کیا جبکہ  گلی محلوں اور راستوں پر نکاسی آب کا بھی جائزہ لیا۔

وزیراعلی پنجاب نے غیرمعمولی بارشوں کے حوالے سے جاری آپریشن اور انتظامات کا جائزہ لیا جبکہ شہر کے مختلف علاقوں میں نکاسی آب کی صورتحال کی معلومات بھی لیں۔