بھارت، ہندؤوں کی مذہبی تقریب میں بھگدڑ سے 87 افراد ہلاک، متعدد زخمی

Now Reading:

بھارت میں ہندؤوں کی ایک مذہبی تقریب کے دوران بھگدڑ مچنے سے 87 افراد ہلاک ہو گئے جبکہ متعدد زخی ہو گئے ہیں۔

بھارتی میڈیا کے مطابق یہ واقعہ بھارت کے گاؤں مغل گڑھی میں پیش آیا جہاں ہندؤوں کی بڑی تعداد ایک مذہبی تقریب میں ہندو دیوتا شیو کا جشن منا رہی تھی۔

ریاست اترپردیش کے گاؤں مغل گڑھی میں ہونے والی اس تقریب میں کسی بھی قسم کے حفاظتی اور ایمرجنسی سے نمٹنے کے لیے کوئی اقدامات نہیں کیے گئے تھے۔

رپورٹس میں بتایا گیا ہے کہ بھگدڑ میں کچلے جانے والے افراد کو گاؤں کے لوگوں نے اپنی مدد آپ کے تحت طبی امداد کے لیے اسپتال تک پہنچایا۔

اسپتال ذرائع کے مطابق ہلاگ ہونے والے افراد میں 23 خواتین اور 3 بچے بھی شامل ہیں، جبکہ 6 افراد کی حالت نازک بتائی جا رہی ہے۔

پولیس حکام کے مطابق ابھی تک بھگدڑ مچنے کی وجوہات کا پتہ نہیں چل سکا ہے، تحقیقات کے لیے انکوائری کمیٹی بنا دی گئی ہے۔