گرمی کی شدت کے ساتھ ہی ملک بھر میں بجلی کے شارٹ فال میں اضافہ

ملک سعید اعوان

03rd Jul, 2024. 01:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گرمی کی شدت کے ساتھ ہی ملک بھر میں بجلی کے شارٹ فال میں اضافہ

گرمی کی شدت کے ساتھ ہی ملک بھر میں بجلی کے شارٹ فال میں مزید اضافہ ہوگیا ہے جوکہ آج 6 ہزار 347 میگاواٹ تک پہنچ گیا ہے۔

پاور ڈویژن ذرائع کے مطابق ملک میں بجلی کی طلب آج 26 ہزار 490 سو میگا واٹ ہے، جبکہ آج ملک میں بجلی کی پیداوار 20 ہزار 143 میگاواٹ ہے، طلب اور رسد میں فرق کے باعث گھنٹوں کی لوڈشیڈنگ جاری ہے۔

پاور ڈویژن ذرائع کے مطابق شارٹ فال کے باعث شہری علاقوں میں لوڈشیڈنگ کا دورانیہ 8 گھنٹے جبکہ دیہی علاقوں میں بجلی کی بندش 10 گھنٹوں پر محیط ہے، اس کے علاوہ لائن لاسز نقصانات والے فیڈرز پر 14 گھنٹے کی لوڈشیڈنگ کی جارہی ہے۔

ذرائع کے مطابق آج پن بجلی ذرائع سے 6 ہزار 970 میگا واٹ بجلی پیدا ہو رہی ہے جبکہ سرکاری تھرمل پاور پلانٹس 888میگا واٹ بجلی پیدا کر رہے ہیں۔

نجی شعبے کے بجلی گھروں کی پیداوار 7 ہزار 882 میگا واٹ ہے، جبکہ ونڈ پاور پلانٹس سے 993 میگا واٹ بجلی پیدا ہو رہی ہے۔

سولر پاور پلانٹس سے 199، بگاس سے 145 میگا واٹ پیداوار ہے جبکہ نیوکلئیر پاور پلانٹس سے 3 ہزار 2 سو میگا واٹ بجلی پیدا ہو رہی ہے۔