بجلی صارفین کے بلوں میں اضافی یونٹ شامل کرنے کے معاملے پروزیراعظم شہبازشریف نے افسران واہلکاروں کے خلاف کارروائی کا فیصلہ کیا ہے۔

اسلام آباد میں ایک اجلاس کے دوران بجلی صارفین کے بلوں میں اضافی یونٹ شامل کرنے کے معاملے پروزیراعظم شہبازشریف افسران واہلکاروں کےخلاف کارروائی کا فیصلہ کرتے ہوئے کہا کہ عوام دشمن افسران و اہلکاروں کو معطل کرکے کارروائی کی جائے۔

وزیراعظم شہبازشریف نے ایف آئی اے کو ہدایت کی ہے کہ ایسےافسران واہلکاروں کی نشاندہی کی جائے۔

دوسری طرف اسلام آباد میں وزیراعظم شہبازشریف کی زیرصدارت ایک اجلاس منعقد ہوا جس میں دورہ چین میں طے مفاہمتی یادداشتوں پر عمل درآمد کا جائزہ لیا گیا۔

اجلاس کے دوران وزیراعظم نے کہا کہ چین پاکستان کا دیرینہ دوست ہے، پاکستان کی ہرمشکل وقت میں مددکی، چینی اعلیٰ قیادت نے دورے کے دوران مثالی مہمان نوازی کی۔

وزیراعظم شہبازشریف نے کہا کہ چین دنیاکی ایک مضبوط معیشت بن کرابھرا ہے، پاکستان چین کی ترقی سے بہت کچھ سیکھ سکتا ہے، چین سے آئی ٹی، مواصلات، معدنیات، توانائی میں تعاون کے نئےدورکا آغازہو رہا ہے۔

وزیراعظم نے کہا کہ پاک چین تعاون کے فروغ سے تعلقات مزید گہرے ہونگے، مفاہمتی یادداشتوں پرعملدرآمدمیں تعطل برداشت نہیں کیا جائے گا، چین میں طے مفاہمتی یادداشتوں پرعملدرآمدکی خودنگرانی کروں گا۔

وزیراعظم شہبازشریف نے مزید کہا کہ چاروں صوبوں، جی بی، اے جے کے کے طلبہ کومیرٹ پرچین بھیجاجائے، بلوچستان کے پسماندہ علاقوں کے طلبہ کوخصوصی ترجیح دی جائے۔

انھوں نے ہدایت کی کہ طلبہ کوآئندہ تعلیمی سمسٹرسے ہی بھیجنے کا آغازکیا جائے۔

یہ خبر بھی پڑھیں؛ وزیر اعظم شہباز شریف نے کئی اہم وزارتوں اور محکموں کو ختم کرنے کا فیصلہ کرلیا۔