وزیر اعظم پاکستان شہباز شریف نے اپنے کراچی کے ایک روزہ دورے کے دوران کراچی پورٹ ٹرسٹ کا بھی دورہ کیا۔

وزیر اعظم شہباز شریف کو کے پی ٹی کے دوران کے دوران بندرگاہوں، نیشنل فلیگ کیریئرنیشنل شپنگ کارپوریشن پر بریفنگ دی گئی۔

وزیر اعظم نے کہا کہ پاکستان جغرافیائی اعتبارسے خطے میں کلیدی اہمیت کاحامل ہے، دورہ قازقستان میں روسی صدر سے ملاقات ہوئی، وسط ایشیائی ممالک کے رہنماؤں سے بھی ملاقات ہوئی۔

انہوں نے کہا کہ پاکستان سمندری تجارت کا سب سے موزوں راستہ فراہم کرتا ہے، وسط ایشیائی ریاستوں نے بندرگاہوں کے استعمال میں دلچسپی کا اظہار کیا ہے۔

بندرگاہوں میں جدید نظام اور رسائی میں مزید بہتری ہے، پاکستان اربوں ڈالر کا زرمبادلہ حاصل کرسکتا ہے، بندرگاہوں کی ترقی سے برآمدات میں اضافہ کریں گے۔

وزیر اعظم نے ہدایت کی کہ بندرگاہوں پراسکیننگ کی جدید مشینری کی تنصیب یقینی بنائی جائے، لیاری ایکپریس وے کو کارگو ٹریفک کے لیے 24  گھنٹے کھلا رکھا جائے۔

سامان کی ترسیل کے لیے ملیر ایکسپریس وے کو بندرگاہ سے جوڑاجائے، شپنگ لائیزکی ریگیولیشن کے لیے جامع لائحہ عمل بنا کر پیش کیا جائے۔

سرمایہ کاروں کو سہولت حکومت کی اولین ترجیحات ہیں، اللہ کے فضل سے معیشت مستحکم اور ترقی کی جانب گامزن ہیں۔

وزیر اعظم شہباز شریف نے مزید کہا کہ برآمد کندگان کو ہر قسم کی سہولیات فراہم کر رہے ہیں۔

وزیراعظم شہباز شریف نے نیشنل شپنگ کارپوریشن کے حوالے سے اجلاس کی صدارت کی۔

اجلاس میں وفاقی وزرا محمد اورنگزیب، جام کمال خان، احد خان چیمہ نے شرکت کی، عطا تارڑ، قیصراحمد شیخ، گورنرسندھ، وزیرِ اعلی سندھ اور متعلقہ حکام نے شرکت کی۔

اجلاس کو کے پی ٹی، پورٹ قاسم کے آپریشنز کے حوالے سے بریفنگ دی گئی، وزیراعظم نے دوسری بندرگاہوں سے موازنے پر مشتمل رپورٹ پیش کرنے کی ہدایت کی۔