وزیراعظم کا بیورو کریسی پرعدم اطمینان

فہد چوہدری

08th Jul, 2024. 12:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا بیورو کریسی پرعدم اطمینان

وزیراعظم نے بیورو کریسی پرعدم اطمینان کا اظہار کرتے ہوئے پاور سیکٹر کے امور میں آزاد ماہرین کی خدمات لینے کا فیصلہ کیا ہے۔

ذرائع کے مطابق بیورو کریسی کی بریفنگ سے بہت سی معلومات متضاد نکلیں، جبکہ پن بجلی منصوبوں، نیٹ میٹرنگ، سولرائزیشن سے متعلق آزاد ماہرین سے آراء لی جائیں گی، اس کے علاوہ بجلی کی قیمتوں سے متعلق بھی آزاد ماہرین سے خدمات لینے کا فیصلہ کیا گیا ہے۔

ذرائع نے بتایا کہ درآمدی کول پاور پلانٹس کو تھر کول پر منتقل کرنے سے متعلق بریفنگ پر بھی ماہرین سے رابطہ کر لیا گیا ہے، اس کے علاوہ بجلی کی پیداواری اور تقسیم کار کمپنیوں کی نجکاری پر ماہرین سے مشاورت کا فیصلہ کیا گیا ہے۔

ذرائع کے مطابق پاور سیکٹرکی اصلاحات بھی نجی ماہرین کی مشاورت سے کی جائے گی، جبکہ وزیراعظم آفس نے انرجی امور کے ماہرین سے رابطہ کر لیا ہے، اس کے علاوہ بیوروکریسی کی جانب سے ورکنگ پیپرز آزاد ماہرین کو بھجوا دیے گئے ہیں۔

ذرائع نے بتایا کہ پاور سیکٹر کے امور پر آزاد ماہرین پر مشتمل کمیٹی یا کونسل تشکیل دیے جانے کا امکان ہے اس حوالے سے وزیراعظم نے وزیر توانائی کو بھی ٹاسک دے دیا۔