شکایات پر وفاقی محتسب کی معائنہ ٹیم آج پولی کلینک اسپتال کا دورہ کرے گی

وفاقی محتسب کی خصوصی معائنہ ٹیم آج پولی کلینک اسپتال کا دورہ کرے گی جہاں وہ مریضوں اور ان کے لواحقین کی شکایات سن کر وفاقی محتسب کو رپورٹ دے گی۔

وفاقی محتسب اعجا ز احمد قر یشی نے پو لی کلینک ہسپتال کے خلا ف بنیا دی سہو لیات کے فقدان کی شکایات کا نوٹس لیتے ہوئے ٹیم بھیجنے کا فیصلہ کیا ہے۔

شکایات میں کہا گیا ہے کہ اسپتال میں ایک ایک بستر پر کئی مر یضوں کو رکھا گیا ہے، اسپتال میں مریضوں کا غیر معمولی رش ہے، ادویات ناپید ہیں ، اور غیر تربیت یافتہ عملے سمیت میڈیکل بلوں کی تصدیق میں تاخیر کی جا رہی ہے۔

مر یضوں کی شکا یات سننے کے بعد اور اسپتال انتظا میہ سے مل کر وفاقی محتسب کی ٹیم ان کا حل تلا ش کر ے گی۔

 بتایا جا رہا ہے کہ پو لی کلینک ہسپتال میں ایم آر آئی کی مشین مو جود ہے، مگر اسے استعمال میں نہیں لایا جا رہا جبکہ الٹرا سا ؤ نڈ کے لئے بھی لمبی لمبی تا ریخیں دی جا تی ہیں۔

عوامی شکایت کے مطابق اسپتال میں مریضوں کا کو ئی پر سان حال نہیں ہے ڈاکٹر تا خیر سے ہسپتال آ تے ہیں، جس کی وجہ سے مریضوں کو گھنٹوں انتظار کر نا پڑ تا ہے۔