ذوالفقاربھٹو کی پھانسی سے متعلق صدارتی ریفرنس میں سپریم کورٹ کی رائے پر پیپلز پارٹی کے سینئر رہنما اعتزاز احسن کا ردعمل سامنے آ گیا ہے۔

اعتزاز احسن کا کہنا ہے کہ پہلے دن سے کہہ رہے ہیں کہ بھٹو کی پھانسی عدالتی قتل ہے، ذوالفقارعلی بھٹوکی پھانسی ظلم تھا، اس میں کوئی شک نہیں بھٹومعصوم تھے۔

انہوں نے کہا کہ 4 ججزایک طرف اور 3 ججز ایک طرف تھے، بھٹو کو پھانسی دینے والے فیصلے میں بہت خامیاں تھیں، جب فیصلہ تقسیم ہو جائے تو پھانسی کی سزا نہیں ہوتی

سینئرقانون دان اعتزازاحسن کا کہنا تھا کہ بھٹو کی پھانسی کا فیصلہ ہر لحاظ سےغلط تھا، بھٹو کےخلاف کوئی گواہی نہیں تھی۔

ان کا کہنا تھا کہ بھٹو کےخلاف کوئی گواہی نہیں تھی، مسعود محمود ایک سلطانی گواہ تھا، وہ ایک ریاست کا گواہ تھا۔

عدالتی فیصلے کو ختم تو اب نہیں کیا جا سکتا، فیصلہ ختم بھی ہو گیا تو بھٹو کو دوبارہ زندہ تو نہیں کیا جا سکتا سپریم کورٹ کی رائے میں بھٹو کی بریت کرنی چاہیے تھی جو نہیں ہوئی، بعد ازمرگ بریت ہوتی ہے وہ کرنی چاہیے تھی۔

سینئرقانون دان اعتزازاحسن کا مزید کہنا تھا کہ بھٹو کو معصوم قرار دینا بھی ایک کامیابی ہے اور بھٹو کیس کا کریڈٹ آصف زرداری کو جاتا ہے۔