کورونا وائرس سے متاثرہ پہلا امریکی فوجی ہلاک ہوگیا، امریکی وزارتِ دفاع

کوروناوائرس سے متاثرہ پہلا امریکی فوجی ہلاک ہوگیا

محمد طیب

31st Mar, 2020. 05:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کوروناوائرس سے متاثرہ پہلا امریکی فوجی ہلاک ہوگیا
چارلی کرک کی اہلیہ کا قاتل کو معاف کرنے کا اعلان؛ ٹرمپ نے ’’آزادی کا شہید‘‘ قرار دے دیا
امریکا کا فلسطینی صدر محمود عباس کو ویزہ دینے سے انکار، جنرل اسمبلی اجلاس سے ویڈیو لنک پر خطاب کریں گے
پرتگال کا فلسطین کو ریاست تسلیم کرنے کا اعلان، فرانسیسی صدر نے اسرائیل کو ناکام قرار دے دیا

Now Reading:

کوروناوائرس سے متاثرہ پہلا امریکی فوجی ہلاک ہوگیا

امریکی وزارت دفاع پینٹاگان کے جاری کردہ بیان کے مطابق کرونا وائرس کے متاثرین فوجی اہلکاروں میں شامل پہلا امریکی فوجی ہلاک ہو گیا ہے۔

پینٹاگان نے بیان میں واضح کیا کہ نیوجرسی میں نیشنل گارڈز سے تعلق رکھنے والا کرونا سے متاثرہ فوجی اہل کار کیپٹن ڈگلس ہیکوک 21 مارچ سے ہسپتال میں زیر علاج تھا۔ وہ ہفتے کے روز ہلاک ہو گیا۔

ہیکوک نیشنل گارڈز میں طبی معاون کے طور پر فرائض انجام دے رہا تھا۔ وہ امریکا میں کرونا وائرس کے پھیلاؤ کی روک تھام کے لیے کی جانے والی امدادی کوششوں میں بھی شریک رہا۔

امریکی وزیر دفاع مارک ایسپر کا کہنا ہے کہ “ہمارے لیے آج کا دن غم اور رنج کا ہے ،،، ہم نے کرونا کے سبب امریکی عسکری خدمت میں سرگرم پہلا اہل کار کھو دیا”۔

امریکی وزارت دفاع نے اتوار کے روز اعلان میں بتایا کہ اب تک امریکی فوج کے 568 اہل کار کرونا وائرس سے متاثر ہو چکے ہیں۔

امریکا میں اتوار کی شام تک کرونا وائرس کے 1.63 لاکھ سے زیادہ کیس سامنے آ چکے ہیں۔ ان میں کم از کم 5506 افراد صحت یاب ہو گئے جب کہ ہلاک ہونے والوں کی کم از کم تعداد 3148 ہو چکی ہے۔