اقوام متحدہ کا افغان مہاجرین کے لیے پی او آر کارڈز میں توسیع کے فیصلے کا خیر مقدم

ویب ڈیسک

11th Jul, 2024. 04:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اقوام متحدہ کا افغان مہاجرین کے لیے پی او آر کارڈز میں توسیع کے فیصلے کا خیر مقدم

یو این ایچ سی آر نے افغان مہاجرین کے لیے پی او آر کارڈز میں توسیع کے حکومت پاکستان کے فیصلے کا خیر مقدم کیا ہے۔

اقوام متحدہ کے پناہ گزینوں کے ادارے نے حکومت پاکستان کے پروف آف رجسٹریشن (پی او آر) کارڈز کی مدت 30 جون 2025 تک ایک سال کے لیے بڑھانے کے فیصلے کا خیر مقدم کیا ہے۔

پاکستان میں یو این ایچ سی آر کی نمائندہ فلیپا کینڈلر کا کہنا ہے کہ یہ اعلان افغان مہاجرین کے لیے خوش آئند ہے اور یہ ظاہر کرتا ہے کہ پاکستان نے مہمان نوازی کی روایت جاری رکھی ہے۔

انہوں نے کہا کہ درپیش چیلنجز کے باعث بھی کئی دہائیوں تک افغانوں کی میزبانی کرنے پر پاکستان کی تعریف کی۔

نمائندہ یو این ایچ سی آر کا کہنا تھا ’’پاکستان کے عوام نے طویل عرصے سے بے گھر اور ضرورت مندوں کے ساتھ یکجہتی اور ہمدردی کا مظاہرہ کیا ہے۔

فلیپا کینڈلر مزید کہتی ہیں کہ پاکستان میں افغانوں کے لیے طویل المدتی حل تلاش کرنے کے ساتھ ساتھ میزبان کمیونٹیز کے لیے تعاون کے لیے حکومت اور بین الاقوامی برادری کے ساتھ کام جاری رکھنے کی منتظر ہوں۔