آذربایجان کے صدر کا نیشنل ایرو اسپیس سائنس اینڈ ٹیکنالوجی پارک کا دورہ

سلمان علی اعوان

12th Jul, 2024. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آذربایجان کے صدر کا نیشنل ایرو اسپیس سائنس اینڈ ٹیکنالوجی پارک کا دورہ

راولپنڈی: آذربایجان کے صدر الہام علی یوف نے نیشنل ایرو سپیس سائنس اینڈ ٹیکنالوجی پارک کا دورہ کیا ہے۔

پاک فضائیہ کے سربراہ ایئر چیف مارشل ظہیر احمد بابر سدھو نے آذربایجان کے صدر کا استقبال کیا۔

آذربایجان کے صدر الہام علی یوف کو نیشنل ایرو اسپیس سائنس اینڈ ٹیکنالوجی پارک آمد پر بریفنگ دی گئی۔

بریفنگ میں بتایا گیا کہ نیشنل ایرو اسپیس سائنس اینڈ ٹیکنالوجی پارک پاک فضائیہ کے زیر اہتمام قومی اہمیت کا تذویراتی منصوبہ ہے۔

آذربایجان کے صدر کو بریفنگ میں مزید بتایا گیا کہ نیشنل ایرو اسپیس سائنس اینڈ ٹیکنالوجی پارک ہوا بازی، آئی ٹی اور خلائی تحقیق سے متعلق امور پر کام کر رہا ہے۔

مزید پڑھیں: پاکستان اور آذربائجان کے درمیان مختلف شعبوں میں تعاون کی مفاہمتی یادداشتوں پر دستخط

آذری صدر کو جدید ترین جے ایف سیونٹین تھنڈر پراجیکٹ کے بارے میں بھی بریفنگ دی گئی جس کے بعد صدر الہام علی یوف نے پاکستان کے تیار کردہ جدید ترین جے ایف سی تھنڈر طیارے میں گہری دلچسپی کا اظہار کیا۔

بریفنگ میں کہا گیا کہ جی ایف 17 تھنڈر بلاک تھری پاکستان کا تیار کردہ 4.5 جنریشن جدید ترین جنگی طیارہ ہے، جدید ترین ایویانکس اور ہتھیاروں کے ساتھ جے ایف 17 تھنڈر کا شمار دنیا کے بہترین لڑاکا طیاروں میں ہوتا ہے۔