اسلام آباد: سپریم کورٹ نے مخصوص نشستوں کے کیس کا تحریری مختصر فیصلہ جاری کردیا۔

سپریم کورٹ نے 17 صفحات پر مشتمل مخصوص نشستوں کے کیس کا تحریری مختصر فیصلہ جاری کردیا ہے جب کہ فیصلے میں جسٹس جمال مندوخیل، جسٹس امین الدین کے اختلافی نوٹ شامل ہیں۔

علاوہ ازیں جسٹس یحیحیٰ آفریدی اور جسٹس نعیم اختر افغان کے اختلافی نوٹ بھی شامل ہیں جب کہ فیصلے میں تحریک انصاف کے قرار دیے گئے 39 ارکان اسمبلی کی فہرست بھی شامل ہے۔

فیصلے کے مطابق پاکستان تحریک انصاف کے 39 ارکان امجد علی خان ، سلیم رحمان، سہیل سلطان، بشیر خان، جنید اکبر، اسد قیصر، شہرام ترکئی، انور تاج، فضل محمد خان، ارباب عامر ایوب، شاندانہ گلزار، اسامہ میلہ، شفقت اعوان اور علی افضل ساہی کو ارکان قرار دیا گیا ہے۔

علاوہ ازیں خرم شہزاد ورک، لطیف کھوسہ، رائے حسن نواز، عامر ڈوگر، زین قریشی، رانا فراز نون، صابر قریشی، اویس حیدر جھکڑ اور زرتاج گل کو بھی ارکان قرار دیا گیا ہے۔

آزاد ارکان قرار دیے گئے ارکان میں علی محمد خان، شہریار آفریدی، انیقہ مہدی، احسان اللہ ورک، بلال اعجاز، عمیر خان نیازی، ثناء اللہ خان مستی خیل، اسامہ حمزہ ، صاحبزادہ محبوب سلطان ، وقاص اکرم شیخ، میاں محمد اظہر، سید رضا علی گیلانی ، جمشید دستی  اور خواجہ شیراز شامل ہیں۔