ٹیکس بیس میں اضافہ اور ایف بی آر کی ڈیجیٹائزیشن حکومتی ترجیح ہے، وزیر خزانہ

ویب ڈیسک

12th Jul, 2024. 09:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس بیس میں اضافہ اور ایف بی آر کی ڈیجیٹائزیشن حکومتی ترجیح ہے، وزیر خزانہ

وزیر خزانہ محمد اورنگزیب نے کہا ہے کہ ٹیکس بیس میں اضافہ اور ایف بی آر کی ڈیجیٹائزیشن حکومتی ترجیح ہے،۔

وزیر خزانہ محمد اورنگزیب کی برطانوی انٹرنیشنل انویسٹمنٹ بورڈ کے وفد سے ملاقات ہوئی، ملاقات میں پاکستان کی معاشی صورتحال کے مختلف پہلوؤں پر تبادلہ خیال کیا گیا، جبکہ وزیر خزانہ نے پاکستان کی بہتر ہوتی معاشی صورتحال پر روشنی ڈالی۔

اس موقع پر وزیر خزانہ محمد اورنگزیب نے کہا کہ مالی سال 24 کے لیے جی ڈی پی کی شرح نمو 2.4 فیصد رہی، مالی سال 25 میں جی ڈی پی تقریباً 3.6 فیصد تک بہتر ہونے کی توقع ہے، زرمبادلہ کے ذخائر اضافے کے ساتھ 9 ارب 40 کروڑ تک ہو گئے۔

ان کا کہنا تھا کہ ملکی پاکستان نے کیپٹل مارکیٹس میں سرمایہ کاروں کے اعتماد کو بحال کیا، جون 2024 میں ملک میں افراط زر کی شرح 12.6 فیصد تک کم ہوئی۔

محمد اورنگزیب نے کہا کہ آئی ایم ایف کے ساتھ اسٹینڈ بائی ارینجمنٹ پروگرام کامیاب رہا، نئے لانگ ٹرم پروگرام کیلئے آئی ایم ایف کے ساتھ بات چیت جاری ہے۔

وزیر خزانہ نے توانائی کی پیداواری لاگت کو کم کرنے کیلئے اقدامات سے آگاہ کیا، ڈسکوز کی نجکاری کے لیے کیے جانے والے اقدامات کا خاکہ بھی پیش کیا گیا جبکہ ملکی معاشی ترقی میں ایس ائی ایف سی کے کردار پر بھی روشنی ڈالی گئی۔