مخصوص نشستیں پی ٹی آئی کو دینے کے فیصلے پر نظرثانی درخواست دائر

ویب ڈیسک

15th Jul, 2024. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مخصوص نشستیں پی ٹی آئی کو دینے کے فیصلے پر نظرثانی درخواست دائر

اسلام آباد: مسلم لیگ ن نے مخصوص نشستیں پی ٹی آئی کو دینے کے فیصلے پر نظرثانی درخواست دائر کردی۔

مسلم لیگ ن کی جانب سے مخصوص نشستیں پی ٹی آئی کو دینے کے فیصلے پر نظرثانی درخواست دائر کردی گئی ہے۔

درخواست میں موقف اختیار کیا گیا ہے کہ تحریک انصاف نے مخصوص نشستوں کے حصول کی استدعا ہی نہیں کی تھی، سنی اتحاد کونسل اور پی ٹی آئی الگ الگ سیاسی جماعتیں ہیں۔

درخواست میں کہا گیا ہے کہ آزاد امیدوار پہلے ہی سنی اتحاد کونسل میں شمولیت اختیار کرچکے ہیں، جن ارکان کو پی ٹی آئی کا قرار دیا گیا انہوں نے کاغذات میں خود کو آزاد ظاہر کیا تھا۔

درخواست کے مطابق آزاد ارکان کو پندرہ دن میں شمولیت کا کہنا قانون کے خلاف ہے، آئین اور واضح ہے کہ آزاد امیدواروں کی شمولیت تین دن میں ہی ہوسکتی ہے۔

درخواست میں مزید کہا گیا ہے کہ مخصوص نشستیں پی ٹی آئی کو دینے پر عدالت نے فریقین کے دلائل بھی نہیں سنے، سپریم کورٹ مخصوص نشستوں کے فیصلے پر نطرثانی کرے۔