عدالت نے پی ٹی آئی رہنما صنم جاوید کو گھر جانے کی اجازت دے دی

ویب ڈیسک

15th Jul, 2024. 06:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالت نے پی ٹی آئی رہنما صنم جاوید کو گھر جانے کی اجازت دے دی

اسلام آباد ہائی کورٹ نے رہنما پی ٹی آئی صنم جاوید کو گھر جانے کی اجازت دے دی۔

سماعت کے دوران عدالت نے کہا کہ صنم جاوید اسلام آباد کی حدود میں رہیں اور ان کو کسی صورت گرفتار نہ کیا جائے۔

اسلام آباد ہائی کورٹ میں کیس کی سماعت جسٹس میاں گل حسن اورنگزیب نے کی، آئی جی اسلام آباد عدالت میں پیش ہوئے۔

جسٹس میاں گل حسن اورنگزیب نے کیس کی سماعت جمعرات تک ملتوی کردی۔

صنم جاوید کو جب کمرہ عدالت پہنچایا گیا تو اس موقع پرخواتین پولیس کی بھاری نفری موجود تھی۔ پی ٹی آئی رہنما اسد قیصر، عامر مغل بھی کمرہ عدالت میں موجود تھے۔

اسلام آباد ہائیکورٹ میں ایف سی اور اسلام آباد پولیس کی بھاری نفری تعینات تھی۔ پی ٹی آئی رہنماؤں اور وکلا کی بڑی تعداد بھی اسلام آباد ہائیکورٹ میں موجود تھی۔

اسلام آباد ہائیکورٹ نے ڈی جی ایف آئی اے اور آئی جی اسلام آباد کو بھی پانچ بجے تک اسلام اباد ہائیکورٹ پیش ہونے کا حکم دیا تھا۔