عالمی ادارے فچ نے پیشگوئی کی ہے کہ  پاکستان کی موجودہ مسلم لیگ (ن) حکومت 18 ماہ تک برقرارہے گی اور بانی پی ٹی آئی مستقبل قریب میں زیرحراست ہی رہیں گے۔ 

معاشی درجے بندی کے ادارے فچ نے پاکستان سے متعلق رپورٹ جاری کردی جس میں کہا گیا ہے کہ رواں سال کے اختتام تک پاکستان میں مہنگائی بڑھنے کی شرح کم ہوسکتی ہے۔

فچ رپورٹ کے مطابق موجودہ حکومت آئی ایم ایف کے ساتھ مل کرمعاشی اصلاحات کرے گی، موجودہ حکومت ختم ہوئی توپاکستان میں ٹیکنوکریٹ حکومت آئے گی۔

رپورٹ میں بتایا گیا ہے کہ رواں سال کے اختتام تک اسٹیٹ بینک سے شرح سود میں کمی کی توقع ہے، اسٹیٹ بینک سے شرح سودکو 14 فیصد پرلانے کی توقع ہے۔

فچ رپورٹ میں بتایا گیا ہے کہ حکومت پاکستان نے بجٹ میں مشکل ترین معاشی اہداف مقررکیے ہیں، حکومت مالیاتی خسارے کو 7.4 فیصد سے کم کرکے 6.7 فیصد پرلانا چاہتی ہے، حکومت کے مشکل معاشی فیصلےآئی ایم ایف کیساتھ پروگرام کی راہ ہموارکررہے ہیں۔

فچ رپورٹ کے مطابق پاکستان کی معیشت کے لیے بیرونی ادائیگیوں کا دباؤمعاشی رسک ہے، پاکستان کی زراعت کے لیے سیلاب اورخوش سالی معاشی رسک ہے۔

رپورٹ میں مزید کہا گیا کہ پاکستان کے فروری کےالیکشن میں آزادامیدواروں کوبڑی کامیابی ملی، جیتے والے آزاد امیدواروں کو جیل میں قیدبانی پی ٹی آئی کی حمایت حاصل تھی، پاکستان کے شہروں میں مظاہرے معاشی سرگرمیاں متاثرکرسکتے ہیں۔