شہر قائد کو لوٹنے والوں میں قانون کے محافظ بھی شامل

ویب ڈیسک

21st Jul, 2024. 11:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد کو لوٹنے والوں میں قانون کے محافظ بھی شامل

کراچی میں بینکوں کا کیش اور عام شہریوں کو لوٹنے والوں میں قانون کے محافظ بھی شامل ہیں۔

ایس ڈی پی او ڈیفنس فائزہ سوڈھر نے ایک پریس کانفرنس میں صحافیوں کو بتایا کہ ٹیکنیکل بنیاد پر کارروائی کرتے ہوئے بینکوں کا کیش لوٹنے والے گروہ کے پولیس اہلکار سمیت دو کارندوں کو گرفتار کر لیا ہے۔

گرفتار ملزمان میں پولیس اہلکار سبحان علی اور نزیر احمد شامل ہیں، گرفتار ملزمان کے قبضے سے اسلحہ ،ایک لاکھ روپے نقدی ،چار موبائل فون اور ایک لیپ ٹاپ برآمد ہوا۔

ایس ڈی پی او ڈیفنس کے مطابق گرفتار ملزمان نے چند روز قبل عدیل نام شہری سے 6 لاکھ نقدی رقم ،موبائل فون اور دیگر سامان لوٹا تھا۔

گرفتار ملزمان کراچی کے مختلف علاقوں میں لوٹ مار کی وارداتوں میں ملوث ہیں۔

ملزمان ملیر،نرسری ،جمشید کوارٹر،اور گزری کے علاقوں میں بینک سے رقم لیکر نکلنے والے شہریوں کو واردات کا نشانہ بناتے تھے۔

ایس ڈی پی او ڈیفنس فائزہ سوڈھر کا مزید کہنا تھا کہ گرفتار ملزمان پولیس مقابلوں اور دیگر جرائم جرائم میں جیل جا چکے ہیں اور ان کے دیگر ساتھیوں کی تلاش کے لئے مختلف علاقوں میں چھاپہ مار کارروائیوں جاری ہیں۔