مشیر اطلاعات خیبر پختون خوا ڈاکٹر سیف نے کہا کہ  لاشوں کی سیاست مسلم لیگ ن ہی کا وطیرہ رہا ہے۔  

وفاقی وزیر اطلاعات عطا تارڑ کے بیان پر بیرسٹر ڈاکٹر سیف نے ردعمل دیتے ہوئے کہا کہ ماڈل ٹاون میں خواتین اور بچوں کی لاشیں آپ ہی کی حکومت نے گرائی تھیں، اور انتشاری سیاست بھی مسلم لیگ ن ہی کا شیوا ہے۔

 بیرسٹر ڈاکٹر سیف نے کہا کہ سپریم کورٹ پر حملہ اور اب ایک پھر سپریم کورٹ کے خلاف زہراگلنا اس کا واضح ثبوت ہے،  جبکہ جعلی فارم 47 حکومت عزم استحکام کی طرح بنوں واقعے پر بھی سیاست چمکارہی ہے۔

 بیرسٹر ڈاکٹر سیف نے یہ بھی کہا کہ جعلی حکومت کے پاس سیاسی بیان بازی کے سوا کچھ نہیں ہے، سیکورٹی جیسے اہم معاملات سیاست کے نذر کرنا مسلم لیگ ن کا پرانا وطیرہ ہے۔

بیرسٹر ڈاکٹر سیف نے کہا کہ جعلی حکومت عمران خان اور پی ٹی آئی کی بڑھتی مقبولیت سے خائف ہیں،  اس قسم کے غیر ذمہ دارانہ بیانات سے عمران خان اور پی ٹی آئی کو عوام کے دلوں سے نہیں نکالا جاسکتا ہے۔

 بیرسٹر ڈاکٹر سیف نے مزید یہ بھی کہا کہ عطا تارڑ غیر ذمہ دارانہ بیانات کے ذریعے جعلی حکومت کو موجودہ حالات سے بری الذمہ قرار دینے کی کو شش کررہے ہیں، جبکہ جعلی حکومت کے وزراء بداحواسی میں کچھ بھی بول دیتے ہیں۔