پنجاب حکومت کا 9 مئی کے ملزمان کی ضمانت منسوخی کیلئے سپریم کورٹ سے رجوع

ویب ڈیسک

24th Jul, 2024. 04:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب حکومت کا 9 مئی کے ملزمان کی ضمانت منسوخی کیلئے سپریم کورٹ سے رجوع

راولپنڈی: پنجاب حکومت نے سانحہ 9 مئی کے ملزمان کی ضمانت منسوخ کرنے کیلئے سپریم کورٹ سے رجوع کرلیا۔

پراسیکیوٹر جنرل نے راولپنڈی میں 9 مئی کے 14 مقدمات میں ملزمان کی ضمانت منسوخ کرنے کیلئے درخواست سپریم کورٹ میں دائر کردی۔

درخواست میں انسداد دہشت گردی عدالت راولپنڈی کے جج کو فریق بنایا گیا ہے۔

بانی پی ٹی آئی، شاہ محمود قریشی، شیخ رشید احمد سمیت 57 ملزمان کی فہرست سپریم کورٹ میں جمع کرادی گئی۔

درخواست میں راولپنڈی کے مختلف تھانوں میں درج مقدمات میں 700 سے زائد پی ٹی آئی کے رہنما اور کارکن نامزد ہیں۔

واضح رہے کہ انسداد دہشت گردی کی عدالت نے پی ٹی آئی کے کارکنوں اور رہنماؤں کی ضمانت منظور کی تھی، تاہم پنجاب حکومت نے ملزمان کی ضمانت منسوخی کو سپریم کورٹ میں چیلنج کر دیا۔