پاکستانی پاسپورٹ بدستور دنیا کا چوتھا بدترین پاسپورٹ برقرار

ویب ڈیسک

25th Jul, 2024. 01:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی پاسپورٹ بدستور دنیا کا چوتھا بدترین پاسپورٹ برقرار

پاکستانی پاسپورٹ بدستور دنیا کے چوتھے بدترین پاسپورٹ کے طور پر برقرار ہے۔

عالمی خبر رساں ادارے کے مطابق ہینلے پاسپورٹ انڈیکس کی 2024 کی فہرست جاری کردی گئی جس میں سنگاپور اس سال بھی اوّل نمبر پر براجمان ہیں۔

گزشتہ سال کی طرح اس سال بھی پاکستان صرف عراق (101)، شام (102) اور افغانستان (103) سے آگے ہے۔

پہلے نمبر پر موجود سنگاپور کے پاسپورٹ کے حامل لوگ دنیا کے 195 ممالک تک بغیر ویزے کے پہنچ سکتے ہیں۔

فہرست میں جاپان ،فرانس، اٹلی، جرمنی اور اسپین دوسرے نمبر پر ہیں۔ ان ممالک کے پاسپورٹ کے حامل افراد 192 ممالک میں بغیر ویزے کے سفر کرسکتے ہیں۔

دنیا کے طاقتور ترین پاسپورٹ میں تیسرے نمبر پر آسٹریا، فن لینڈ، آئرلینڈ، لکسمبرگ، نیدرلینڈز، جنوبی کوریا اور سویڈن مشترکہ طور پر براجمان ہیں۔ ان ممالک کے پاسپورٹ پر دنیا کے 191 ممالک میں بغیر ویزے کے جا سکتے ہیں۔

چوتھے نمبر پر برطانیہ، نیوزی لینڈ، ناروے، بیلجیم، ڈنمارک اور سوئٹزرلینڈ ہیں ۔ آسٹریلیا اور پرتگال پانچویں، یونان اور پولینڈ چھٹے، کینیڈا ساتویں، امریکہ آٹھویں نمبر ہے۔

پاکستان 100 ویں نمبر پر یمن کے ساتھ براجمان ہے۔