آئی ایم ایف ایگزیکٹیو بورڈ کا اجلاس اگست کے وسط میں بلائے جانے کا امکان

عمر حیات خان

25th Jul, 2024. 01:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف ایگزیکٹیو بورڈ کا اجلاس اگست کے وسط میں بلائے جانے کا امکان

عالمی مالیاتی فنڈ (آئی ایم ایف) کی جانب سے 7 ارب ڈالر کے بیل آؤٹ پیکیج کی منظوری کا معاملہ پرآئی ایم ایف ایگزیکٹیو بورڈ کا اجلاس اگست کے وسط میں بلائے جانے کا امکان ہے۔

ذرائع وزارت خزانہ کے مطابق پاکستان اور آئی ایم ایف کے درمیان اسٹاف لیول معاہدہ 12 جولائی کو طے پایا تھا، جبکہ آئی ایم ایف بورڈ اسٹاف لیول معاہدے کے 4 سے 6 ہفتوں بعد حتمی منظوری دے گا۔

ذرائع نے بتایا کہ بورڈ اجلاس سے پہلے پاکستان کو ایکسٹرنل فنانسنگ کی یقین دہانی حاصل کرنا ہوں گی، اس کے علاوہ ماحولیاتی تبدیلی، قدرتی آفات کے خطرات سے نمٹنے کیلئے فنڈنگ پرجلد بات چیت متوقع ہے۔

ذرائع کے مطابق آئی ایم ایف نے کلائمنٹ فنانسنگ کیلئے پاکستان کی مجوزہ درخواست پرغورکا عندیہ دیا ہے، اس کے علاوہ پاکستان کو موسمیاتی تبدیلی سے متعلق طویل مدتی ترجیحی منصوبوں کی نشاندہی کرنا ہوگی۔

ذرائع وزارت خزانہ نے بتایا کہ آئی ایم ایف کا آر ایس ایف پروگرام سستی اور طویل مدتی فنانسنگ فراہم کرتا ہے، جبکہ اس مقصد کیلئے دیگر عالمی اداروں کے ساتھ مل کر کام کرنا ہوگا۔