ناروے کپ میں پاکستان اسٹریٹ چائلڈ فٹ بال ٹیم نے ناقابل شکست رہتے ہوئے فتوحات کی ہیٹ ٹرک مکمل کر لی ہے۔
قومی اسٹریٹ چائلڈ فٹبال ٹیم گروپ میچز میں ناقابل شکست رہی۔ اوسلو میں جاری ایونٹ کے گروپ اسٹیج کے آخری میچ میں قومی اسٹریٹ چائلڈ ٹیم نے ناروے کے اوسٹیسی کلب کو ایک کے مقابلے میں تین گول سے پچھاڑ دیا۔
اس کامیابی کی بدولت پاکستان اسٹریٹ چائلڈ فٹبال ٹیم نے پلے آف مرحلے کے لئے کوالیفائی کرلیا۔
آخری گروپ میچ میں قومی اسٹریٹ چائلڈ فٹبال ٹیم نے پہلے ہاف میں 2 گول اسکور کئے جبکہ اس کے خلاف ایک گول اسکور ہوا۔ دوسرے ہاف میں اسٹریٹ چائلڈ ٹیم نے مزید ایک گول داغ کر برتری برقرار رکھی جو کھیل کے اختتام تک برقرار رہی۔
Advertisement
پاکستانی ٹیم کی جانب سے کپتان محمد عدیل، اوت اور شاہد انجم نے گول اسکور کئے۔
ٹیم کی جیت پر ناروے میں پاکستانی کمیونٹی نے جشن منایا۔ یہ ایونٹ میں ٹیم کی مسلسل تیسری فتح ہے۔ پاکستانی ٹیم نے پہلے میچ میں 1-6 اور دوسرے میچ میں 0-5 سے فتح سمیٹی تھی۔
قومی اسٹریٹ چائلڈ ٹیم پلے آف مرحلے کا پہلا میچ یکم اگست کو کھیلے گی۔
یاد رہے کہ پاکستان اسٹریٹ چائلڈ ٹیم 2023 کے ایونٹ میں ناقابل شکست رہی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
