اللہ کا شیر اسماعیل ہنیہ سرخرو ہوا، اسرائیل کو اس ظلم کی قیمت چکانا ہوگی، حافظ نعیم

ویب ڈیسک

31st Jul, 2024. 12:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اللہ کا شیر اسماعیل ہنیہ سرخرو ہوا، اسرائیل کو اس ظلم کی قیمت چکانا ہوگی، حافظ نعیم

امیر جماعت اسلامی حافظ نعیم الرحمان نے کہا ہے کہ اللہ کا شیر اسماعیل ہنیہ سرخرو ہوگیا، اسرائیل اور اس کے سرپرستوں کو ظلم کی قیمت چکانا ہوگی۔

حافظ نعیم الرحمان نے حماس کے سربراہ اسماعیل ہنیہ کی شہادت پر ردعمل دیتے ہوئے کہا کہ اسماعیل ہنیہ کا قیام، ہجرت، شہادت اللہ کے لیے تھی، ‏انہوں نے ظالم ترین طاقتوں کا بےجگری سے مقابلہ کیا۔

انہوں نے کہا کہ اللہ کا شیر اسماعیل ہنیہ سرخرو ہوگیا، پہلے اپنے خاندان کو قربان کیا پھر خود بھی جنت کے مسافربن گئے۔

‏امیر جماعت اسلامی کا کہنا تھا کہ شہادت ایک مسلمان کی زندگی کا اختتام نہیں، شہادت راحتوں بھری نئی زندگی کا آغاز ہے۔

حافظ نعیم الرحمان نے کہا کہ اسرائیل اور اس کے سرپرستوں کو ظلم کی قیمت چکانا ہوگی، اسرائیلی اقدام نے خطے کو نئی آزمائش میں ڈال دیا ہے، صاف نظر آرہا ہے جنگ اب غزہ تک محدود نہیں رہے گی۔

انہوں نے مزید کہا کہ کیا عالم اسلام کے حکمران اسرائیل کی خاموش حمایت کرتے رہیں گے؟ کیا وقت نہیں آگیا ظالم کے ہاتھ کو کاٹ ڈالا جائے؟